Sinflarni keyingi o‘quv yiliga o‘tkazish. Sinflarni tahrirlash

Kundalik tizim mantig‘iga muvofiq, yangi o‘quv yiliga o‘tish 1 -avgustdan boshlanadi.

Sinflarni yangi o‘quv yiliga avgustgacha o‘tkazish tavsiya etilmaydi, chunki yozgi davrda o‘quvchilar maktabdan maktabga ko‘chiriladi va o‘quvchi sinfni yangi o‘quv yiliga o‘tkazishdan oldin maktabdan chiqarilishi kerak.

Sinfni keyingi o‘quv yiliga va «Arxiv»-ga o‘tkazish tugmachalari sinf sahifasini tahrirlash bo‘limida «Ko‘rib chiqish» yorlig‘ida ekranning o‘ng tomonida alohida blokda joylashgan.

Administrator va «Sinflar» blokiga kirish imkoniyatiga ega bo‘lgan muharrirlar sinf ma'lumotlarini tahrirlashi, uni chiqarishi va keyingi o‘quv yiliga o‘tkazishi mumkin.

Eslatma: «Sinfni chiqarish» tugmasi faqatgina sinfda «Bitiruvchi sinf» parametrining qarshisida tasdiq belgisi bo‘lgan xoldagina mavjud bo‘ladi. Belgini o‘rnatish uchun siz «Umumiy ko‘rinish» yorlig‘ining o‘ng tomonida joylashgan «Tahrirlash» yorlig‘ini bosish orqali sozlamalarga o‘tishingiz mumkin.

Shunday qilib, ta'lim muassasasining xodimi quyidagilarni bajarishi mumkin:

• yangi o‘quv yiliga butun sinfni hamda o‘quvchilarni tanlagan xolda o‘tkazish;
• sinfni «Arxiv»ga o‘tkazish;
• sinfni chiqarish;
• sinfni o‘chirish.

O‘quv yili tugaganidan keyin barcha sinflar quyidagi xolatda bo‘lishi kerak:

• yoki chiqarilgan;
• yoki keyingi o‘quv yiliga o‘tkazilgan;
• yoki «Arxiv» ga o‘tkazilgan.

Chiqarish, keyingi o‘quv yiliga o‘tkazish va arxivga o‘tkazish Sinflar ro‘yxati sahifasida sinf nomida aks etkaziladi:

• qora rang bilan yangi o‘quv yiliga ko‘chirilgan sinflar belgilanadi;
• kulrang bilan arxivga o‘tkazilgan sinflar belgilanadi;
• ko‘k rang bilan hali arxivga yoki yangi o‘quv yiliga o‘tkazilmagan faol sinflar belgilanadi.

Yangi o‘quv yilida yangi 1 -sinflarni yaratish

Yangi sinf yaratish uchun quyidagi harakatlarni bajarish kerak:

• "Ma'muriyat" - "Sinflar ro‘yxati" bo‘limiga o‘ting;
• o‘quv yilini to‘g‘ri tanlashingizga ishonch hosil qiling. Agar kerak bo‘lsa, o‘quv yili yonida siz yilni tanlash uchun oldinga va orqaga tugmalarini bosishingiz mumkin:

• ekranning o‘ng tomonidagi "Qo‘shish" tugmasini bosing;
• barcha kerakli ma'lumotlarni ko‘rsating (sinf kodi, smena, turi, parallel', hisobot davri, qo‘ng‘iroqlar jadvali, sinf o‘qituvchisi);
• "Yaratish" tugmasini bosing.

Sinf yaratilgandan so‘ng, siz o‘quvchilar va ota -onalarni ushbu sinfga qo‘shishingiz / import qilishingiz kerak. Ushbu maqolada yangi foydalanuvchilarni qanday import qilish haqida ma'lumotlar bilan tanishib chiqing.

Butun sinfni yangi o‘quv yiliga o‘tkazish

Butun sinfni yangi o‘quv yiliga o‘tkazish uchun quyidagilar kerak bo‘ladi:

• «Ko‘rib chiqish» yorlig‘ini oching;
• ochilgan sinf sahifasida ekranning o‘ng tomonidagi «Yangi o‘quv yiliga o‘tkazish» havolasini bosing;
• «Butun sinf» turini tanlang;
• «Keyingi qadam» tugmasini bosing;
• yangi sinf nomini va parallelini belgilang. Agar kerak bo‘lsa, «Bitiruvchi sinf» katagiga belgi qo‘ying;
• «Keyingi qadam» tugmasini bosing.

Eslatmalar:

• ushbu operatsiya davomida tugallangan o‘quv yilida sinf profilida joylashtirilgan asosiy ma'lumotlar saqlanib qoladi;
• agar kerak bo‘lsa, ko‘chirish haqida buyrug‘ tafsilotlarini ko‘rsatishingiz mumkin.

Sinfdan tanlangan o‘quvchilarni yangi o‘quv yiliga o‘tkazish

Sinfdan tanlangan o‘quvchilarni ko‘chirish turi faqat yangi o‘quv yilida kerakli sinflar yaratilgan holda mavjud.

Sinfda tanlangan o‘quvchilarni yangi o‘quv yiliga o‘tkazish uchun quyidagilar kerak bo‘ladi:

• «Ko‘rib chiqish» yorlig‘ini oching;
• ochilgan sinf sahifasida ekranning o‘ng tomonidagi «Yangi o‘quv yiliga o‘tkazish» havolasini bosing;
• «Tanlangan o‘quvchilar» turini tanlang;
• «Keyingi qadam» tugmasini bosing;
• o‘quv yilini belgilang, ro‘yxatdan sinfni tanlang, o‘tkazish turini va yangi o‘quv yiliga o‘tkaziladigan o‘quvchilarni tanlang;
• «Keyingi qadam» tugmasini bosing.

Qolgan o‘quvchilar o‘chirilishi yoki «Arxiv» ga o‘tkazilishi kerak.

Eslatmalar:

• agar kerak bo‘lsa, ko‘chirish haqida buyrug‘ tafsilotlarini ko‘rsatishingiz mumkin;
• «Xaqiqiy» ko‘chirish turini tanlaganda, o‘quvchilarni yangi sinfga a'zo bo‘lish sanasini to‘g‘ri ko‘rsatish kerak.

Diqqat! 2-8 va 10-sinflar yangi o‘quv yiliga yuqoridagi usullardan birida o‘tkazilishi kerak. 9 va 11 -sinflar har bir o‘quvchi uchun attestat ma'lumotlarini ko‘rsatgan holda chiqarilishi kerak.

To‘qqizinchi sinflarni chiqarish va o‘ninchi sinfga o‘tkazish

9-sinflar bitiruv sinflari bo‘lgani va o‘quvchilar o‘rtaumum ta'lim attestati olgani uchun, sinf chiqarilishi lozim.

Sinfni chiqarish uchun quyidagi harakatlarni bajarish kerak:

• "Ma'muriyat" - "Sinflar ro‘yxati" bo‘limiga o‘ting;
• kerakli o‘quv yili va sinfini tanlang;
• ekranning o‘ng tomonida "Sinfni chiqarish" tugmasini bosing;
• bitirish sanasi, qaror turi va raqamini ko‘rsating;
• har bir o‘quvchining to‘liq ismi yonida attestat haqida ma'lumotlarini ko‘rsating;
• "Chiqarish" tugmasini bosing.

Eslatma: bu harakatlar 11 -sinfni chiqarish uchun ham tegishli.

Maktabni tark etmagan va 10 -sinfda o‘qishni davom ettirayotgan o‘quvchilar ro‘yxati bilan buyruq chiqarilgandan so‘ng sizga quyidagilarni bajarish kerak:

• "Ma'muriyat" - "Sinflar ro‘yxati" bo‘limiga o‘ting;
• yangi o‘quv yilini tanlang va yangi 10 -sinfni yarating;
• chiqarilgan 9 -sinfning sozlamalarida "O‘quvchilar: sinfda bo‘lganlar" sahifasiga o‘ting;
• ro‘yxatdagi birinchi kerakli o‘quvchini tanlang;
• ekranning o‘ng tomonida "Tiklash" tugmasini bosing;
• o‘qish yilini, tiklash turini "Xaqiqiy" deb tanlang va 10 -sinfga a'zolik boshlanish sanasini ko‘rsating.
• 10 -sinfga qaytgan har bir o‘quvchi uchun tepadagi harakatlarni takrorlang.

Sinfni «Arxiv»ga o‘tkazish

Sinfni «Arxivga» ko‘chirish uchun quyidagilar kerak bo‘ladi:

• «Ko‘rib chiqish» yorlig‘ini oching;
• ekranning o‘ng tomonidagi «Maktabdan chiqarish» yoki «Arxivga o‘tkazish» havolasini bosing.

Agar sinf xatolik tufayli maktabdan chiqarilgan bo‘lsa, uni tiklash mumkin. Sinf profilini tiklash uchun quyidagilar zarur:

• «Ko‘rib chiqish» yorlig‘ini oching;
• «Sinf sozlamalari» rejimida ekranning o‘ng tomonidagi «Arxivdan tiklash» havolasini bosing;
• tiklashni tasdiqlang.

Sinfni «Arxiv» ga o‘tkazganda barcha ishtirokchilar ta'lim muassasasi profilidan chiqariladi. O‘quvchilarni ta'lim muassasasiga faqat bittadan alohida qayta tiklash mumkin. Bu haqida batafsil ma'lumotni «Maktabdan chiqarilgan o‘quvchini qanday qo‘shish mumkin?» maqolasida o‘qing.

Sinfni o‘chirish

Sinf profilini o‘chirish uchun quyidagilar kerak:

• «Ko‘rib chiqish» yorlig‘ini oching;
• ekranning o‘ng tomonidagi «O‘chirish» havolasini bosing;
• o‘chirishni «Ha, yo‘q qilish» tugmasini bosib tasdiqlang.

Eslatma: sinfni biron bir ma'lumot bilan bog‘liq bo‘lmagan taqdirda yo‘q qilish mumkin: o‘quvchilar, dars jadvali, uy vazifasi va baholar.