“eMaktab.Bonus” sodiqlik dasturida ishtirok etish shartlari

1. ATAMALAR

1.1. “eMaktab” avtomatlashtirilgan axborot tizimi (keyingi o‘rinlarda “eMaktab” deb yuritiladi) — “Kundalik” mas’uliyati cheklangan jamiyati tomonidan ishlab chiqilgan O‘zbekiston Respublikasi o‘rta ta’lim tashkilotlari uchun elektron hujjat aylanishi imkoniyatlari va ta’lim jarayoni ishtirokchilari o‘rtasida ijtimoiy tarmoqdagi o‘zaro hamkorlik vositalarini birlashtiruvchi yopiq axborot tizimi.

1.2. Tashkilotchi — “Kundalik” mas’uliyati cheklangan jamiyati, O‘zbekiston Respublikasi, Toshkent shahri, Chilonzor tumani, Bunyodkor shoh ko‘chasi 42/1-uy manzilida joylashgan. Manzil o‘zgarishi haqida Tashkilotchi Foydalanuvchini ushbu Shartnomaga va/yoki uning Ilovalariga o‘zgartirishlar kiritish orqali xabardor qiladi.

1.3. Foydalanuvchi — i) o‘z nomidan, ii) ota-onasi/qonuniy vakilining roziligi bilan o‘z nomidan yoki iii) voyaga yetmagan shaxs manfaatlarini ko‘zlab ota-ona va/yoki qonuniy vakil tomonidan “eMaktab”dagi profilni login va parol orqali ro‘yxatdan o‘tkazgan, shuningdek, ushbu Shartnoma va Foydalanuvchi bilan kelishuv shartlariga rozi bo‘lgan jismoniy shaxs.

1.4. Foydalanuvchi kelishuvi — https://help.emaktab.uz/hc/ru/articles/14222341984412-Пользовательскоесоглашение manzilida joylashtirilgan foydalanuvchi bilan kelishuv va unga Ilovalar matni bo‘lib, u Tashkilotchi tomonidan “eMaktab”dan foydalanish imkoniyatini taqdim etish boʻyicha barcha zarur va muhim shartlarini o‘z ichiga oladi.

1.5. Profil — Foydalanuvchining o‘zi haqidagi ma’lumotlarni o‘z ichiga olgan va “eMaktab” xizmatlaridan avtorizatsiyalangan foydalanish huquqlari to‘plamiga ega bo‘lgan hisobi.

1.6. Sodiqlik dasturi — O‘zbekiston Respublikasi hududida “eMaktab” ta’lim platformasini ommalashtirish maqsadida Foydalanuvchilar uchun ishlab chiqilgan “eMaktab.Bonus” sodiqlik dasturi.

1.7. Hamkor — Tashkilotchi bilan hamkorlik asosida Sodiqlik dasturi doirasida Mukofotlarni taqdim etuvchi xizmat va/yoki tovar provayderi.

1.8. Sovrinlar — ushbu Shartnomaga muvofiq aniqlangan Sodiqlik dasturi g‘olibiga taqdim etiladigan mukofotlar.  

1.9. Shartnoma — “Besh baho uchun bonuslar” Sodiqlik dasturida ishtirok etishning barcha zarur va muhim shartlarini, g‘oliblarni aniqlash va sovrinlarni topshirish tartibini, Tomonlarning javobgarligini, Tomonlarning ishtirok etishi bilan bog‘liq boshqa munosabatlarini o‘z ichiga olgan mazkur Shartnoma va unga Ilovalarning matni. Ushbu Shartnoma shartlariga rioya qilish “eMaktab.Bonus” sodiqlik dasturida ishtirok etishning zaruriy sharti hisoblanadi.

1.10. PRO-obuna — Tizimdan foydalanish doirasida taqdim etiladigan qo‘shimcha pullik xizmat bo‘lib, u Foydalanuvchi to‘lovdan so‘ng foydalanishi mumkin bo‘lgan kengaytirilgan funksiyalar va xizmatlar to‘plamini o‘z ichiga oladi.

1.11. WEB-obuna — 1 nafar o‘quvchi va uning ota-onasi va (yoki) qonuniy vakillari uchun elektron kundalik (web-interfeys) dan foydalanish, ota-onalar va o‘quvchilarga o‘quvchining o‘zlashtirishini shakllantirish va kuzatish, dars jadvali, uy vazifalari, to‘lov sanasidan boshlab 12 oy davomida qatnashish huquqini beradi.

Birlik sonda qo‘llangan barcha atamalar ko‘plik sonda ham qo‘llanishi mumkin va aksincha.

2. UMUMIY QOIDALAR

2.1. Ushbu Shartnoma barcha muhim shartlarni o‘z ichiga oladi va O‘zbekiston Respublikasi Fuqarolik kodeksining 367-moddasi va 369-moddasining ikkinchi qismiga muvofiq ommaviy oferta hisoblanadi. Ushbu Shartnoma Foydalanuvchi tomonidan akseptlangan paytdan boshlab Foydalanuvchilarga nisbatan tatbiq etiladi. “Ayirboshlash” hamda “Tasdiqlash” tugmasini bosish Foydalanuvchining O‘zbekiston Respublikasi Fuqarolik kodeksining 370-moddasiga muvofiq ushbu Shartnomaga to‘liq va so‘zsiz roziligini (oferta akseptini) anglatadi.

2.2. Ushbu Shartnoma O‘zbekiston Respublikasi hududida “eMaktab”ni ommalashtirishga qaratilgan Sodiqlik dasturini tashkil etish va o‘tkazish tartibini belgilaydi.

2.3. Ushbu Bitimning amaldagi tahriri quyidagi URL manzilida joylashtirilgan: https://help.emaktab.uz/hc/ru/articles/18846912582812. Tashkilotchi istalgan vaqtda oldindan yoki keyinchalik ogohlantirmasdan ushbu Shartnomani o‘zgartirish yoki to‘ldirish huquqini o‘zida saqlab qoladi. Foydalanuvchi Shartnomadagi o‘zgarishlarni mustaqil ravishda kuzatib boradi va Shartnomaning amaldagi tahriri bilan tanishadi. Mazkur Shartnomaga o‘zgartirish va/yoki qo‘shimchalar kiritilganidan soʻng Foydalanuvchining Sodiqlik dasturida oʻz ishtirokini davom ettirishi Foydalanuvchining bunday o‘zgartirish va/yoki qo‘shimchalarni qabul qilishi va roziligini anglatadi.

2.4. Istalgan Foydalanuvchi Sodiqlik dasturi ishtirokchisiga aylanishi mumkin.

2.5. Tashkilotchi Sodiqlik dasturi egasi hisoblanadi.

Tashkilotchi bilan bogʻlanish uchun ma’lumotlar:

Telefon: 998 (78) 888-82-82

E-mail: team@emaktab.uz

2.6. Sodiqlik dasturi lotereya yoki boshqa tavakkalchilikka asoslangan o‘yin hisoblanmaydi va Foydalanuvchilar Sodiqlik dasturida ishtirok etish bilan bog‘liq mulkiy xatarlarni o‘z zimmasiga olmaydi. Sodiqlik dasturida ishtirok etish tartibi Foydalanuvchilar tomonidan to‘lovlar bilan bog‘liq emas va mukofot jamg‘armasi faqat Tashkilotchi va Hamkorlar mablag‘lari hisobidan shakllantiriladi.

3. SODIQLIK DASTURINI O‘TKAZISH TARTIBI VA UNDA ISHTIROK ETISH SHARTLARI

3.1. Sodiqlik dasturi doirasida Foydalanuvchilarga olingan baholar uchun quyidagi jadvalga muvofiq e.So‘m bonus ballari beriladi:

*- e.So‘m “eMaktab.Bonus” Sodiqlik dasturining ichki bonus birligi bo‘lib, pul, elektron yoki raqamli valyuta, to‘lov vositasi yoki hisob-kitob vositasi hisoblanmaydi. e.So‘m bonus ballari naqd pulga almashtirilmaydi va faqat Sodiqlik dasturida nazarda tutilgan takliflar doirasida qoʻllanilishi mumkin.

3.2. Bonus ballari Foydalanuvchining Sodiqlik dasturidagi bonus hisob raqamiga avtomatik ravishda o‘tkaziladi.

Bonuslarni hisoblash har kuni olingan baholar asosida amalga oshiriladi.

Bonus ballar “2” baho va “5” balldan past koʻrsatkichlar uchun hisoblanmaydi.

3.3. e.So‘m bonus ballari foydalanuvchining eMaktab tizimidagi bonus hisobida to‘planadi. Foydalanuvchilar to‘plangan e.So‘m ballarini  Tashkilotchi va Hamkorlar tomonidan “eMaktab”ning “eMaktab.Bonus” peshtaxtasida taqdim etilgan Sovrinlarga ayirboshlash imkoniyati taqdim etiladi.

3.4. Hamkorlardan sovrinlar quyidagi turlarda taqdim etilgan:

• Chegirmali promo-kodlar, shtrix-kodlar va QR-kodlar;
• Sovrinli promo-kodlar;
• Bepul vaucherlar.

3.5. Sovrin jamg‘armasi Tashkilotchi mablag‘lari va Tashkilotchining hamkorlari tomonidan taqdim etilgan sovrinlar hisobidan shakllantiriladi.

Tashkilotchidan sovrinlar (2-toifa):

• eMaktab servisidan 7 kunlik PRO-obuna uchun sovrinli promo-kodlar;
• eMaktab servisida yillik PRO-obuna uchun 5% chegirmali promo-kodlar.

Hamkor sovrinlari (1-toifa):

• “AllGood” marketpleysida to‘lov uchun 100 000 so‘m chegirmali promo-kodlar;
• “Dodo Pizza” buyurtmasidan 15% chegirmali promo-kodlar.

3.6. Tashkilotchi istalgan vaqtda “eMaktab.Bonus” peshtaxtasidagi mavjud Sovrinlar ro‘yxatini o‘zgartirish huquqini o‘zida saqlab qoladi

3.7. 1-toifali Sovrinlardan foydalanish (faollashtirish) shartlari va muddatlari Hamkorlar tomonidan belgilanadi. Foydalanish shartlari va muddatlari bilan “BALLARNI AYIRBOSHLASH” tugmasini bosgunga qadar tanishish mumkin.

3.8. Tashkilotchi Hamkorlar taqdim etgan xizmatlar, tovarlar va ishlarning sifati uchun javobgar emas.

3.9. Vaucherlarni bir marta ballga ayirboshlash mumkin, Hamkor va Tashkilotchining xohishiga ko‘ra vaucher tavsifida ko‘rsatilgan shartlar bundan mustasno.

3.10. Sotib olingan Sovrin qaytarilmaydi va pul ekvivalentiga almashtirilmaydi.

3.11. Sodiqlik dasturida g‘oliblarni aniqlash bir necha tur asosida o‘tkaziladi. Ushbu Sodiqlik dasturi 12.03.2025-yildan 31.05.2025-yilgacha amal qiladi, Sodiqlik dasturining amal qilish muddati tugagach, barcha to‘plangan e.So‘m ballari bekor qilinadi.

3.12. Ishtirok etish shartlari:

Sodiqlik dasturida ishtirok etishni istagan har bir kishi bir vaqtning o‘zida quyidagi shartlarning barchasini bajarishi lozim:

a) “eMaktab” Foydalanuvchisi bo‘lish;

b) Amaldagi WEB obunasiga ega bo‘lish.

Diqqat! Profil o‘chirib tashlanganda, Sodiqlik dasturidagi barcha jarayonlar bekor qilinadi va to‘plangan e.So‘m ballari oʻchib ketadi.

3.13. 12.03.2025 dan 31.05.2025 gacha 23:59 Foydalanuvchilarga Sodiqlik dasturida to‘plangan ballar uchun “eMaktab.Bonus" peshtaxtasida taqdim etilgan pozitsiyalarni qoʻlga kiritish imkoniyati beriladi. Ayirboshlashda 12.03.2025-yildan 31.05.2025-yilgacha bo‘lgan davrda Sodiqlik dasturining barcha ishtirokchilari qatnashadi.

3.14. “BALLARNI AYIRBOSHLASH” tugmasini bosish orqali Foydalanuvchi taklifning ballardagi qiymatiga teng bo‘lgan ballar summasi hisobdan chiqarilishiga rozilik bildiradi.

3.15. “e.So‘m” bonus ballaridagi Sovrin qiymati, shuningdek, Sovrindan foydalanish shartlari “eMaktab.Bonus” sahifasida, shuningdek Sovrinni qo‘lga kiritgandan keyin olingan push-bildirishnomada/bildirishnomada ko‘rsatiladi.

3.16. Sovrin faqat bir marta beriladi. Agar tadbir hamkori buning aksini ko‘rsatmasa, mukofot boshqa aksiyalar, chegirmalar va takliflar bilan birgalikda hisoblanmaydi.

3.17. Sovrinni olish tartibi olingan Sovrin haqidagi push-bildirishnomada keltiriladi va Hamkorlar tomonidan belgilanadi. Promo-kodlar, chegirma kartalari va boshqa nomoddiy Sovrinlarni o‘tkazish “eMaktab” ilovasidagi push-bildirishnomalar/bildirishnomalar orqali yutuqli o‘yin/ayirboshlash tugagan kundan boshlab uch ish kuni ichida amalga oshiriladi.

4. BOSHQA SHARTLAR

4.1. Ushbu bilan Foydalanuvchi Tashkilotchi tomonidan o‘tkaziladigan reklama, marketing va boshqa dastur va aksiyalarda ishtirok etish, shuningdek, ko‘rsatilayotgan xizmatlar sifatini yaxshilashga qaratilgan tadqiqotlarni amalga oshirish, shuningdek, marketing va/yoki statistik va/yoki boshqa tadqiqotlarni o‘tkazish maqsadida O‘zbekiston Respublikasining 02.07.2019-yil sanasidagi “Shaxsga doir ma’lumotlar to‘g‘risida”gi O‘RQ-547-son Qonuniga muvofiq “eMaktab”da ro‘yxatdan o‘tishda taqdim etilgan shaxsiy ma’lumotlarini qayta ishlashga rozilik beradi.

4.2. Tashkilotchi O‘zbekiston Respublikasining amaldagi qonunchiligida nazarda tutilgan majburiyatlarni bajarish maqsadida Foydalanuvchi bilan turli aloqa vositalari yordamida to‘g‘ridan-to‘g‘ri bogʻlanishi, jumladan, (cheklovlarsiz) pochta jo‘natmalari, Foydalanuvchining elektron pochta manziliga (e-mail) jo‘natmalar, mobil telefon (SMS-xabarnoma) orqali tegishli ma’lumotlarni,  O‘zbekiston Respublikasining 2022-yil 7-iyundagi “Reklama to‘g‘risida”gi O‘RQ-776-sonli Qonunining 5-moddasi talqinida reklama tushunchasiga mos keladigan ma’lumotlarni yuborishi mumkin.

4.3. Sodiqlik dasturida ishtirok etish orqali, Foydalanuvchi o‘z xohishi va manfaatlaridan kelib chiqib, O‘zbekiston Respublikasi qonunchiligi talablariga muvofiq Tashkilotchiga (O‘zbekiston Respublikasining 02.07.2019-yildagi “Shaxsga doir ma’lumotlar to‘g‘risida”gi O‘RQ-547-son Qonuniga muvofiq) Foydalanuvchining shaxsiy ma’lumotlarini qayta ishlashga (yig‘ish, yozish, tizimlashtirish, to‘plash, saqlash, tasdiqlash, aniqlashtirish (yangilash, o‘zgartirish), foydalanish, tarqatish, taqdim etish, uzatish (jumladan, O‘zbekiston Respublikasi hududida uzatish), shaxssizlantirish, bloklash va oʻchirishga, jumladan, avtomatlashtirish vositalari va ma’lumotlar bazalarini boshqarishning avtomatlashtirilgan tizimlari, boshqa dasturiy vositalardan foydalangan holda Tashkilotchi va uning kontragentlari/Hamkorlari tomonidan, shuningdek, Foydalanuvchining shaxsiy ma’lumotlarini Tashkilotchi va uning kontragentlarining ichki tarmog‘i hamda Internet tarmog‘i orqali uzatish yoki uzatmasdan qo‘lda, avtomatlashtirilgan va aralash qayta ishlashga rozilik beradi. Foydalaniladigan qayta ishlash usullari, jumladan (cheklovlarsiz), ma’lumotlar bazasini zarur mezonlar bo‘yicha segmentlashni o‘z ichiga oladi.

Ushbu rozilik Foydalanuvchi tomonidan uning shaxsiy ma’lumotlariga nisbatan yuqorida ko‘rsatilgan maqsadlarga erishish uchun zarur yoki istalgan har qanday harakatlarni amalga oshirish uchun beriladi, jumladan, lekin bular bilan cheklanmagan holda: familiyasi, ismi, otasining ismi, jinsi, yili, oyi, tug‘ilgan sanasi (va O‘zbekiston Respublikasi qonunchiligida, xususan, O‘zbekiston Respublikasi Soliq kodeksida nazarda tutilgan hollarda — shaxsni tasdiqlovchi hujjatning rekvizitlari (pasport raqami, ID karta raqami, berilgan sanasi, bergan organning nomi hamda ro‘yxatdan o‘tganligi to‘g‘risidagi ma’lumotlar), uyali telefon raqamlari, elektron pochta manzili va boshqa ma’lumotlar).

4.4. Ushbu Kelishuvga muvofiq Foydalanuvchining shaxsiy ma’lumotlarini qayta ishlashga jalb qilinadigan uchinchi shaxslarni tanlash huquqi Foydalanuvchi tomonidan Tashkilotchiga beriladi va qo‘shimcha kelishuvni talab qilmaydi.

4.5. Tashkilotchi tomonidan shaxsiy ma’lumotlarga ishlov berish O‘zbekiston Respublikasining amaldagi qonunchiligiga muvofiq amalga oshiriladi.

4.6. Sodiqlik dasturida ishtirok etish orqali g‘olib deb topilgan Foydalanuvchi o‘z ismi, familiyasi, otasining ismi va rasmini (suratlarini) Tashkilotchining www.emaktab.uz veb-saytida, shuningdek, bosma nashrlarda, radio va televideniye ko‘rsatuvlarida, Internet-OAV va boshqa ommaviy axborot vositalarida, jumladan (cheklovlarsiz), Instagram, ВКонтакте, Facebook sahifalarida joylashtirilishiga rrozilik beradi.

4.7. Ushbu Shartnoma buzilganda\Sodiqlik dasturi shartlarini bajarishdan bo‘yin tovlash va boshqa maqsadda nohalol harakatlar sodir etilganda, Tashkilotchi Foydalanuvchini Sodiqlik dasturida ishtirok etishdan so‘zsiz chetlatish huquqiga ega. Bunda Tashkilotchi yuqorida aytib oʻtilgan Foydalanuvchi (lar) ga nisbatan o‘z xatti-harakatlarini izohlamaslik huquqiga ega.

4.8. Foydalanuvchi o‘zi haqidagi noto‘g‘ri va/yoki ishonchsiz ma’lumotlarni taqdim etishi natijasida yuzaga kelishi mumkin bo‘lgan har qanday salbiy oqibatlar xavfini to‘liq o‘z zimmasiga oladi.

4.9. Ushbu Shartnomaga muvofiq Sodiqlik dasturini oʻtkazish natijasi yakuniy hisoblanadi va sud tartibida e’tiroz bildirilishi mumkin emas.

4.10. Foydalanuvchi tashkilotchiga murojaat qilib, istalgan vaqtda ishtirok etishdan bosh tortish huquqiga ega.

4.11. Tashkilotchi ushbu Sodiqlik dasturini oʻtkazishda Foydalanuvchi yoki uchinchi aloqachi shaxsda yuzaga kelishi mumkin bo‘lgan hech qanday xarajatni qoplamaydi.

4.12. Tashkilotchi telekommunikatsiya va energetika tarmoqlaridagi nosozliklar, zararli dasturlarning ta’siri, shuningdek, uchinchi shaxslarning Tashkilotchining dasturiy va/yoki apparat majmuasidan ruxsatsiz foydalanishga va/yoki uni ishdan chiqarishga qaratilgan insofsiz xatti-harakatlari oqibatida majburiyatlarning bajarilmaganligi yoki lozim darajada bajarilmaganligi uchun javobgar hisoblanmaydi.

4.13. Tashkilotchi, biror sababga ko‘ra, Sodiqlik dasturining bajarilishi, xavfsizligi, halolligi va yaxlitligini buzadigan yoki unga ta’sir qiladigan kompyuter viruslari bilan zararlanish, uzilishlar, manipulyatsiyalar, ruxsatsiz aralashuv, soxtalashtirish, texnik nosozliklar yoki Tashkilotchi nazoratida boʻlmagan har qanday sabab tufayli Sodiqlik dasturi yoki uning biror qismi rejalashtirilganidek bajarilmasa, Sodiqlik dasturi o‘tkazilishini bir tomonlama tugatish yoki to‘xtatib turish yoki uning ayrim ishtirokchilarini chetlatish huquqiga ega.