👨‍🏫 O‘qituvchilar uchun: Ko‘p beriladigan savollar va javoblar

❓ 3-chorakda Ona tili va Adabiyot fanidan markazlashtirilgan CHSB o‘tkazish qoidalari

🏫 5–6-sinflar uchun

3-chorakda 5- va 6-sinflar uchun markazlashtirilgan CHSB faqat ona tili fani bo‘yicha o‘tkaziladi:

• “Ona tili” — ta’lim o‘zbek tilida olib boriladigan sinflar uchun
• “Rus tili” — ta’lim rus tilida olib boriladigan sinflar uchun
• “Qoraqalpoq tili” — ta’lim qoraqalpoq tilida olib boriladigan sinflar uchun

📖 Adabiyot fanidan CHSB esa odatdagi tartibda (markazlashtirilmagan) o‘tkaziladi.

🎓 11-sinflar uchun

11-sinflar uchun 3-chorakda markazlashtirilgan CHSB faqat “Adabiyot” fani bo‘yicha o‘tkaziladi.

🗒 Ona tili fanidan CHSB esa odatdagi tartibda o‘tkaziladi (markazlashtirilmagan).

❓ CHSBni qanday topish va chiqarish mumkin

✅ Javob:
Quyidagi havola orqali o‘ting: https://emaktab.uz/works
Filtrlarni quyidagicha sozlang:

1️⃣ Fan
2️⃣ Sinf
3️⃣ Taʼlim tili
4️⃣ Ish turi
5️⃣ Hisobot davri: joriy chorak

⚠️ Muhim:
Vazifalarni faqat shu fan bo‘yicha dars beradigan o‘qituvchi berishi mumkin.
Administratorlarga vazifa berish huquqi berilmagan.
EDU ERP tizimidagi fan nomi, topshirilayotgan CHSB fan nomi bilan mos kelishini tekshirib chiqing. Aks holda, vazifa havolasi ko‘rinmasligi mumkin.

📌 Qo‘shimcha:
Batafsil yo‘riqnoma: eMaktab tizimida CHSBni qanday berish mumkin - 3 ta usul

❓ CHSB boshlanish vaqti noto‘g‘ri ko‘rsatilgan bo‘lsa, uni qanday o‘zgartirish mumkin

✅ Javob:
Vaqtni “Berilgan ishlar” bo‘limida o‘zgartirish mumkin.

Qadamlar bo‘yicha:
1️⃣ “Metodik yordam” menyusida “Berilgan ishlar” bo‘limini tanlang.
2️⃣ Filtrlarni quyidagicha sozlang:

• Fan
• Sinf
• Taʼlim tili
• Ish turi
• Maktab

3️⃣ Kerakli ishni toping, “Sozlamalar” tugmasini bosing, “Bajarish sanasi”ni tanlang, to‘g‘ri vaqtni belgilang va saqlang.

⚠️ Muhim:
Vaqtni faqat ushbu CHSBni bergan o‘qituvchi o‘zgartira oladi.

📌 Batafsil yo‘riqnoma: eMaktab tizimida CHSBni qanday berish mumkin

❓ CHSB uchun ballarni jurnalga qanday qo‘yish mumkin?

✅ Javob:
Natijalar topshiriq berilgan vaqtdan 24 soat o‘tgandan so'ng  mavjud bo‘ladi.

Ballarni qo‘yish tartibi:
1️⃣ “Metodik yordam” menyusidan “Berilgan ishlar” bo‘limiga o‘ting.
2️⃣ Filtrlarni quyidagicha sozlang:

• Fan
• Sinf
• Taʼlim tili
• Ish turi
• Maktab

3️⃣ Kerakli ishni oching, barcha o‘quvchilar uchun ballar mavjudligini tekshiring.
So‘ng “Topshiriqni yakunlash va baholarni jurnalga qo‘yish” tugmasini bosing.

⚠️ Muhim:
Agar fan ikki qismdan iborat bo‘lsa (masalan, Rus tili va Adabiyot), Adabiyot bo‘yicha ballar tizimga avtomatik yuklanadi — qo‘lda kiritish shart emas.

📌 Batafsil yo‘riqnoma: Jurnalda o‘tkazilgan CHSB yoki BSB vazifalari uchun baholarni qanday ko‘rish va qo‘yish mumkin?