ERP.MAKTAB.UZ bilan noto‘g‘ri bog‘langan o‘quvchi profillarini qanday tuzatish mumkin?

Agar sinxronlashdan keyin o‘quvchilarning F.I.Sh. ma’lumotlari o‘zaro almashib qolgan, baholar va davomat esa avvalgi profillarda saqlanib qolgan bo‘lsa, bunga bog‘lash vaqtida eMaktab profillarining ERPdagi o‘quvchilar bilan noto‘g‘ri moslashtirilgani sabab bo‘lishi mumkin.

1-QADAM. Bog‘lash ustasini oching

«Ma’muriyat» → «Maktab shaxslarini ERP.MAKTAB.UZ bilan biriktirish» bo‘limiga o‘ting.

«O‘quvchilar» yorlig‘ini tanlang, so‘ng eMaktabdagi kerakli sinfni va ERPdagi unga mos sinfni tanlang.

2-QADAM. Noto‘g‘ri bog‘langan profillarni toping

Har bir qatordagi ma’lumotlarni solishtiring:

• Chap tomonda: eMaktab profilidagi F.I.Sh., «Foydalanuvchi» qatoridagi ma’lumotlar va login.
• O‘ng tomonda: profil bog‘langan ERPdagi o‘quvchining F.I.Sh. va JSHSHIRi.

MUHIM! Noto‘g‘ri sinxronlashdan keyin profildagi F.I.Sh. o‘zgargan bo‘lishi mumkin. Shuning uchun profil egasini aniqlashda faqat F.I.Sh.ga emas, «Foydalanuvchi» qatori va loginga ham e’tibor bering.

Misol: chap tomonda Abduxamitova Imronaxon Jasurbek Qizi ko‘rsatilgan, lekin «Foydalanuvchi» qatorida Farzonaxon Abduvoxidova, login qatorida esa farzonaxonabduvoxidova yozilgan. Demak, ushbu profil Farzonaxonga tegishli va o‘ng tomonda ERPdagi ABDUVOXIDOVA FARZONAXON ABDURASHID QIZI tanlanishi kerak.

Xuddi shuningdek, chap tomonda Alijonov Islombek Omadjon O‘g‘li ko‘rsatilgan profilning «Foydalanuvchi» qatorida Imronaxon Abduxamitova, login qatorida iabduxamitova yozilgan. Ushbu profil uchun o‘ng tomonda ERPdagi ABDUXAMITOVA IMRONAXON JASURBEK QIZI tanlanishi kerak.

Agar ushbu ma’lumotlar orqali profil egasini aniqlash qiyin bo‘lsa, qo‘shimcha ravishda baholar va davomatni tekshiring yoki loginni o‘quvchi yoxud sinf rahbaridan aniqlashtiring.

3-QADAM. Noto‘g‘ri bog‘lanishlarni uzing

Chalkashib ketgan har bir profil uchun «Bog‘lanishni uzish» tugmasini bosing.

Bog‘lanish uzilgandan keyin o‘ng tomonda «Bog‘lash uchun mos o‘quvchini tanlang» maydoni paydo bo‘ladi.

Bog‘lanishni uzish faqat ERP bilan aloqani bekor qiladi — o‘quvchining profili va baholari o‘chirilmaydi.

4-QADAM. ERPdan to‘g‘ri o‘quvchilarni tanlang

Birinchi profil qatorida:

1. Chap tomondagi «Foydalanuvchi» ma’lumotlari va login orqali profilning haqiqiy egasini aniqlang.
2. O‘ng tomondagi ro‘yxatni oching va ERPdan aynan shu o‘quvchini tanlang.
3. Uning F.I.Sh., tug‘ilgan sanasi va JSHSHIRini tekshiring.
4. «Bog‘lanishni tasdiqlash» tugmasini bosing.

Qolgan chalkashib ketgan profillar uchun ham shu amallarni takrorlang.

5-QADAM. Tuzatilgan bog‘lanishlarni tekshiring

Har bir eMaktab profili ERPdagi to‘g‘ri o‘quvchi bilan bog‘langaniga ishonch hosil qiling. Tasdiqlangandan keyin o‘ng tomonda bog‘lanishning yashil belgisi ko‘rsatiladi.

Chap tomondagi foydalanuvchi va login o‘ng tomondagi ERP o‘quvchisining ma’lumotlariga mos kelishini tekshiring.

6-QADAM. Sinxronlashni qayta bajaring

Barcha noto‘g‘ri bog‘lanishlar tuzatilgandan keyin «Ma’muriyat» → «ERP.MAKTAB.UZ bilan ma’lumotlarni sinxronlashtirish» bo‘limini oching.

Rejalashtirilgan o‘zgarishlarni tekshiring va ularni qo‘llang. Sinxronlash tugagandan keyin quyidagilarga ishonch hosil qiling:

• o‘quvchilarning F.I.Sh. va JSHSHIRlari to‘g‘ri ko‘rsatilgan;
• loginlar profil egalariga mos keladi;
• baholar, davomat va o‘qish tarixi tegishli profillarda saqlanib qolgan.

Agar profil egasini aniqlay olmasangiz yoki sinxronlashdan keyin ham ma’lumotlar noto‘g‘ri bo‘lib qolsa, eMaktab qo‘llab-quvvatlash xizmatiga @emaktabuz_bot orqali murojaat qiling. Maktab, sinf, muammo kuzatilgan o‘quvchilarning F.I.Sh. va loginlarini ko‘rsating hamda bog‘lash ustasidan skrinshotlarni ilova qiling.