Maxfiylik siyosati

1-bo‘lim. Atamalar

«Emaktab.uz» avtomatlashtirilgan axborot tizimi (kelgusida – «Tizim») – O‘zbekiston Respublikasining o‘rta ta'lim tashkilotlari uchun ta'lim jarayonlari ishtirokchilari o‘rtasida o‘zaro ijtimoiy tarmoq aloqalarini o‘rnatish vositalari va elektron hujjatlar almashinuvi imkoniyatlarini birlashtiruvchi yopiq axborot tizimi. Tizim «O‘zbektelekom» AKning hisoblash quvvatlarida joylashtirilgan va ishlab turadi.

Ma'muriyat  – «KUNDALIK» mas'uliyati cheklangan shirkati, quyidagi manzilda joylashgan: O‘zbekiston Respublikasi, Toshkent sh., Chilonzor tumani, Bunyodkor shox ko‘chasi, 42/1-uy.

Ma'muriyat manzili yoki Ma'muriyat nomidan yoki uning tarafidan chiquvchi shaxs o‘zgargan taqdirda, Ma'muriyat ushbu Siyosatga o‘zgartirishlar kiritish yo‘li bilan Foydalanuvchini xabardor qiladi.

Foydalanuvchi – Tizimda login va parol' bo‘yicha Profilini ro‘yxatdan o‘tkazgan, shuningdek, o‘z nomidan, ota-onasining /qonuniy vakili roziligi bilan o‘z nomidan yoki voyaga yetmagan shaxsning nomidan ota-onasi va/yoki qonuniy vakili tomonidan Foydalanuvchi kelishuvi shartlariga rozi bo‘lgan jismoniy shaxs. O‘zbekiston Respublikasi Xalq ta'limi Vazirligi xodimlari; ta'lim sohasida boshqaruv faoliyatini yuritayotgan O‘zbekiston Respublikasi mahalliy ijro etuvchi organlar xodimlari; agar zimmasiga O‘zbekiston Respublikasi qonun hujjatlarida belgilangan tartibda O‘zbekiston Respublikasi ta'lim sohasida mahalliy ahamiyatdagi masalalarni hal qilish bo‘yicha majburiyatlar (vakolatlar) yuklatilgan bo‘lsa, boshqa hukumat organlarining va mahalliy boshqaruv organlarining xodimlari; O‘zbekiston Respublikasi o‘rta ta'lim tashkilotlari xodimlari (bundan buyon matnda – ta'lim tashkilotlari xodimlari); O‘zbekiston Respublikasi o‘rta ta'lim tashkilotlarida tahsil olayotganlar (bundan buyon matnda – ta'lim tashkilotlari o‘quvchilari), O‘zbekiston Respublikasi ta'lim tashkilotlari o‘quvchilarining ota-onalari (qonuniy vakillari) (bundan buyon matnda – ta'lim tashkilotlari o‘quvchilarining ota-onalari (qonuniy vakillari) Tizim foydalanuvchilari hisoblanadilar.

Profil' – Foydalanuvchining u haqdagi ma'lumotlarini o‘zida saqlaydigan va Tizim Servislariga Avtomatlashtirilgan kirish huquqlari to‘plamiga ega bo‘lgan qayd yozuvlari. Tizimda quyidagi profillar ko‘zda tutiladi: O‘zbekiston Respublikasi Xalq ta'limi vazirligi xodimi, O‘zbekiston Respublikasidagi ta'lim boshqarmasi xodimi, O‘zbekiston Respublikasi ta'lim bo‘limi xodimi, O‘zbekiston Respublikasi ta'lim muassasalari xodimi, O‘zbekiston Respublikasidagi ta'lim tashkilotlarida ta'lim oluvchilar, O‘zbekiston Respublikasidagi ta'lim tashkilotlarida ta'lim oluvchilarning ota-onasi (qonuniy vakili).

Foydalanuvchining ismi (login) – har bir alohida Foydalanuvchini Tizimning boshqa Foydalanuvchilaridan aniq ajratib turuvchi (identifikasiya qiluvchi) belgilar ketma-ketligi.

Parol' – faqat Foydalanuvchining o‘zigagina ma'lum bo‘lgan, Tizimda shifrlangan ko‘rinishda saqlanadigan va Foydalanuvchini Autentifikasiyasi uchun Foydalanuvchining ismi (logini) bilan juftlikda qo‘llaniladigan belgilar ketma-ketligi.

Autentifikasiya – Foydalanuvchining Tizimga masofadan turib Foydalanuvchining ismi (logini) va Paroli yordamida amalga oshiriladigan murojaatining qonuniy huquqqa egaligining tasdiqlanishi.

Avtomatlashtirilgan ulanish – muvaffaqiyatli Autentifikasiyalanish sharti bilan amalga oshiriladi.

Muassasa – O‘zbekiston Respublikasidagi tashkiliy-huquqiy shaklidan qat'i nazar, asosiy maqsadi ta'lim berish faoliyatidan iborat bo‘lgan ta'lim tashkilotlari, shuningdek ta'lim sohasida boshqaruv vazifasini amalga oshiruvchi mahalliy ijro etuvchi organlar. Ushbu Siyosatning maqsadlari yo‘lida quyidagilar Muassasalar qatoriga kiritiladi:

• O‘zbekiston Respublikasi Xalq ta'limi vazirligi;
• Ta'lim sohasida boshqaruv faoliyatini yuritayotgan mahalliy ijro etuvchi organlar
• Ta'lim sohasida boshqaruv faoliyatini yuritayotgan respublika ahamiyatidagi shaharlar va poytaxtning mahalliy ijro etuvchi organlari;
• Ta'lim sohasida boshqaruv faoliyatini yuritayotgan tumanlar va viloyat ahamiyatidagi shaharlarning mahalliy ijro etuvchi organlari;
• davlat hokimiyatining boshqa organlari va o‘zini o‘zi boshqarish organlari, agar O‘zbekiston Respublikasining qonun hujjatlarida belgilangan tartibda qayd etilgan organlar zimmasiga ta'lim sohasiga doir masalalarni hal etish bo‘yicha majburiyat (vakolat)lar yuklatilgan bo‘lsa;
• O‘zbekiston Respublikasidagi ta'lim tashkilotlari.

2-bo‘lim. Kirish

Tizim maqsadlarini amalga oshirishning eng muhim sharti shaxsga doir ma'lumotlar va texnologik jarayonlarning, ular ishlov beriladigan chegarada, zarur va yetarli darajadagi axborot xavfsizligini ta'minlab berishdir. Shaxsga doir ma'lumotlarning xavfsizligini ta'minlash Ma'muriyatning ustuvor vazifalaridan biri hisoblanadi.

Shaxsga doir ma'lumotlarga tegishli axborotlarga ishlov berish va xavfsizligini ta'minlanishi O‘zbekiston Respublikasining “Shaxsga doir ma'lumotlar to‘g‘risida”gi 2019 yil 2 iyuldagi O‘zRQ 54-sonli Qonuni (bundan buyon matnda – “ShM to‘g‘risidagi Qonun”) talablariga muvofiq amalga oshiriladi va shaxsga doir ma'lumotlar axborot tizimlarida ishlov beriladigan shaxsiy ma'lumotlarning himoyasini ta'minlash imkoniyatini beradi, ya'ni maqsadi shaxsga doir ma'lumotlarga ishlov berish va himoya qilishdan iborat bo‘lgan tizimlarda shaxsiy ma'lumotlarning xavfsizligini ta'minlash bo‘yicha talablar va tavsiyalarning bajarilishi O‘zbekiston Respublikasi Hukumati va O‘zbekiston Respublikasi davlat organlari tomonidan majburiy qilib qo‘yiladi.

Ushbu Siyosat har bir odam va fuqaroning shaxsiy ma'lumotlariga ishlov berish davomida uning huquq va erkinliklarini, xususan shaxsiy hayot, shaxsiy va oilaviy sirlari daxlsizligiga bo‘lgan huquqlarining himoya qilinishini ta'minlash maqsadida shaxsga doir ma'lumotlarga ishlov berish tamoyillari, tartib va qoidalarini belgilab beradi, shuningdek, shaxsiy ma'lumotlarni olish huquqiga ega bo‘lgan Ma'muriyat mansabdor shaxslari uchun ular tomonidan shaxsga doir ma'lumotlarga ishlov berish va himoya qilinishini tartibga soluvchi norma talablarining bajarilmasligi uchun javobgarlikni ham belgilab beradi.

3-bo‘lim. Shaxsga doir ma'lumotlar tushunchasi va tarkibi

Ma'muriyat tomonidan himoya qilinishi lozim bo‘lgan shaxsga doir ma'lumotlar ro‘yxati ShM to‘g‘risidagi qonunga muvofiq, shaxsga doir ma'lumotlarni shakllantiruvchi, alohida yoki belgilangan jismoniy shaxsga (shaxsiy ma'lumotlar sub'ektiga) bevosita yoki bilvosita taalluqli bo‘lgan har qanday ma'lumotlardan shakllantiriladi.

Shaxsiy ma'lumotlar sub'ektiga bog‘liq ravishda, Ma'muriyat shaxsiy ma'lumotlar sub'ektlarining quyidagi toifalariga oid shaxsga doir ma'lumotlarga ishlov beradi: 

• O‘zbekiston Respublikasi Xalq ta'limi vazirligi xodimlarining shaxsiy ma'lumotlari – mehnat munosabatlariga bog‘liq holda zarur bo‘ladigan va aniq xodimga taalluqli bo‘lgan ma'lumotlar.
• Ta'lim sohasida boshqaruv faoliyatini yuritayotgan, O‘zbekiston Respublikasi mahalliy ijro etuvchi organlari xodimlarining shaxsiy ma'lumotlari – O‘zbekiston Respublikasi qonun hujjatlari talablarini bajarish va ishlash maqsadlarida Ma'muriyatga zarur bo‘lgan ma'lumotlar.
• davlat hokimiyatining boshqa organlari va o‘zini o‘zi boshqarish organlari xodimlarining, agar O‘zbekiston Respublikasining qonun hujjatlarida belgilangan tartibda qayd etilgan organlar zimmasiga ta'lim sohasiga doir masalalarni hal etish bo‘yicha majburiyat (vakolat)lar yuklatilgan bo‘lsa, shaxsiy ma'lumotlari - O‘zbekiston Respublikasi qonun hujjatlari talablarini bajarish va ishlash maqsadlarida Ma'muriyatga zarur bo‘lgan ma'lumotlar.
• umumta'lim tashkilotlari xodimlarining shaxsiy ma'lumotlari - O‘zbekiston Respublikasi qonun hujjatlari talablarini bajarish va ishlash maqsadlarida Ma'muriyatga zarur bo‘lgan ma'lumotlar.
• umumta'lim tashkilotlari o‘quvchilarining shaxsiy ma'lumotlari - O‘zbekiston Respublikasi qonun hujjatlari talablarini bajarish va ishlash maqsadlarida Ma'muriyatga zarur bo‘lgan ma'lumotlar.
• umumta'lim tashkilotlari o‘quvchilari ota-onalari (qonuniy vakillari)ning shaxsiy ma'lumotlari - O‘zbekiston Respublikasi qonun hujjatlari talablarini bajarish va ishlash maqsadlarida Ma'muriyatga zarur bo‘lgan ma'lumotlar.

4-bo‘lim. Shaxsga doir ma'lumotlarni to‘plash va ishlov berish maqsadi

Ma'muriyat quyidagi maqsadlarda shaxsga doir ma'lumotlarga ishlov beradi:

• elektron jurnalni yuritish jarayonini ta'minlash, o‘quvchilar va qonuniy vakillar bilan pedagoglarning elektron ko‘rinishda o‘zaro aloqasini yo‘lga qo‘yish hamda o‘quvchining o‘zlashtirishi va o‘quv jarayonining kechishi to‘g‘risida ota-onalarni (qonuniy vakil) xabardor qilib turish.

5-bo‘lim. Shaxsga doir ma'lumotlarga ishlov berish muddatlari

Shaxsga doir ma'lumotlarni to‘plash va ishlov berish muddatlari o‘quvchining umumta'lim tashkilotlarida ta'lim olish muddatlariga yoki Ma'muriyat, Muassasa xodimi bilan mehnat munosabatlari muddatiga muvofiq belgilanadi.

6-bo‘lim. Huquq va majburiyatlar

Ma'muriyatning huquqlari:

• sudda o‘z manfaatlarini himoya qilish;
• uchinchi shaxs sub'ektlariga shaxsga doir ma'lumotlarni taqdim etish, qachonki bu amaldagi qonun hujjatlarida ko‘zda tutilgan bo‘lsa (soliq, huquqni himoya qilish organlari va b.);
• shaxsga doir ma'lumotlarni taqdim etishdan bosh tortish, qonun hujjatlarida ko‘zda tutilgan holatlarda;
• shaxsga doir ma'lumotlardan uning roziligisiz foydalanish, qonun hujjatlarida ko‘zda tutilgan holatlarda.

Shaxsiy ma'lumotlar sub'ekti quyidagi huquqlarga ega:

• o‘z shaxsiy ma'lumotlarini aniqlashtirishni, ularni to‘sib qo‘yishni (bloklash) va agar shaxsiy ma'lumotlar to‘liq bo‘lmasa, xato bo‘lsa, noqonuniy olingan yoki e'lon qilingan ishlov berish uchun zarur deb hisoblanmagan holatlarda ularni yo‘q qilishni talab qilish hamda o‘z huquqlarini himoya qilish bo‘yicha qonunda ko‘zda tutilgan choralarni ko‘rish;
• Ma'muriyat tomonidan ishlov beriladigan o‘z shaxsiy ma'lumotlari ro‘yxatini va ular olingan manbalarni talab qilish;
• o‘z shaxsiy ma'lumotlariga ishlov berish muddatlari to‘g‘risida, shuningdek, ularni saqlash muddatlari to‘g‘risida axborotlarni olish;
• uning to‘g‘risida xato yoki to‘liq bo‘lmagan shaxsiy ma'lumotlar hamda ularga qilingan istisnolar, tuzatishlar yoki qo‘shimchalar haqida avval yetkazilgan barcha shaxslarni xabardor qilib qo‘yishni talab qilish;
• uning shaxsiy ma'lumotlariga ishlov berishda noqonuniy harakatlar yoki harakatsizliklar kuzatilgan taqdirda, shaxsiy ma'lumotlar sub'ektlarini himoya qilish bo‘yicha vakolatli organlariga yoki sudga shikoyat qilish;
• o‘z huquqlari va qonuniy manfaatlarini himoya qilish, shu jumladan sud tartibida moddiy va (yoki) ma'naviy zararlarni qoplab berilishini talab qilish.

7-bo‘lim. Shaxsga doir ma'lumotlarni to‘plash va ishlov berish tamoyillari va shartlari

Shaxsga doir ma'lumotlarni to‘plash va ishlov berish Ma'muriyat tomonidan quyidagi tamoyillar asosida amalga oshiriladi:

• shaxsga doir ma'lumotlarni to‘plash va ishlov berish maqsad va usullarining qonuniyligi va haqqoniyligi;
• shaxsga doir ma'lumotlarni to‘plash va ishlov berish maqsadlarining shaxsga doir ma'lumotlarni to‘plashning oldindan belgilab qo‘yilgan va e'lon qilingan maqsadlariga muvofiqligi;
• ishlov beriladigan shaxsga doir ma'lumotlarning hajmi va tavsifi, shaxsga doir ma'lumotlarni to‘plash va ishlov berish usullarining shaxsga doir ma'lumotlarni to‘plash va ishlov berish maqsadlariga muvofiqligi;
• shaxsga doir ma'lumotlarning shubhasiz to‘g‘riligi, to‘plash va qayta ishlash maqsadlari uchun ularning yetarliligi, shaxsga doir ma'lumotlarni to‘plash davomida e'lon qilingan maqsadlarga nisbatan ortiqcha bo‘lgan shaxsiy ma'lumotlarning ishlanishiga yo‘l qo‘yilmaslik;
• o‘zaro mos kelmaydigan shaxsga doir ma'lumotlarni saqlash uchun yaratilgan ma'lumotlar bazalarining birlashib ketishiga yo‘l qo‘ymaslik;
• shaxsga oid ma'lumotlarni shaxsiy ma'lumotlar sub'ektini aniqlab olishga imkon beradigan formalarda, talab etilgan to‘plash va ishlov berish muddatidan oshib ketmagan holatda saqlash;
• shaxsga doir ma'lumotlarni maqsadlarga erishib bo‘lgach yoki unga erishish ehtiyoji yo‘qolgan taqdirda yo‘q qilish.

Shaxsga doir ma'lumotlarni to‘plash va ishlov berish O‘zbekiston Respublikasining qonun hujjatlarida belgilab berilgan tartiblarga asoslanib amalga oshiriladi.

8-bo‘lim. Shaxsga doir ma'lumotlar xavfsizligini ta'minlash

Ma'muriyat shaxsga doir ma'lumotlarning xavfsizligini ta'minlash maqsadida tasodifiy yoki ruxsatsiz kirish, yo‘q qilish, o‘zgartirish, kirishni to‘sish va boshqa ruxsatsiz harakatlardan himoya qilish bo‘yicha barcha zarur tashkiliy va texnik chora-tadbirlarni ko‘radi.

Shaxsga doir ma'lumotlarning xavfsizligini ta'minlash bo‘yicha harakatlarni o‘zaro muvofiqlashtirish maqsadlarida Ma'muriyat shaxsga doir ma'lumotlarning xavfsizligini ta'minlash uchun mas'ullarni tayinlaydi.

Tizimdagi ma'lumotlarning himoyasini ta'minlash ishlari O‘zbekiston Respublikasining “Axborotlashtirish to‘g‘risida”gi 2003 yil 11 dekabrdagi 560-II-sonli Qonuni va O‘zbekiston Respublikasining “Shaxsga doir ma'lumotlar to‘g‘risida”gi 2019 yil 2 iyuldagi O‘zRQ 54-sonli Qonuni, boshqa qonunlar hamda O‘zbekiston Respublikasi Hukumati qarorlari va boshqa me'yoriy-huquqiy hujjatlariga muvofiq amalga oshiriladi.

9-bo‘lim. Yakuniy qoidalar

Ushbu Siyosat Ma'muriyat tomonidan ishlab chiqilgan hujjat hisoblanadi va u hamma uchun ochiq bo‘lib, Tizimda https://help.kundalik.com/hc/ru/articles/360010963580 manzil bo‘yicha joylashtirilgan.

Ushbu Siyosatga yangi qonun hujjatlari va shaxsga oid ma'lumotlarni ishlash va himoya qilish bo‘yicha yangi maxsus me'yoriy hujjatlar qabul qilingan taqdirda o‘zgartirish, qo‘shimchalar kiritilishi mumkin, biroq, har uch yilda kamida bir martagacha.

Ushbu Siyosatning talablari bajarilishi ustidan nazorat Ma'muriyatning shaxsga doir ma'lumotlarning xavfsizligini ta'minlash uchun mas'ullari tomonidan amalga oshiriladi.

Ma'muriyatning shaxsiy ma'lumotlarga kira oladigan mansabdor shaxslari tomonidan shaxsga doir ma'lumotlarning ishlov berilishi va himoya qilinishini tartibga solib turuvchi me'yoriy talablarni bajarilmasliklari uchun javobgarlik O‘zbekiston Respublikasining qonun hujjatlariga va Ma'muriyatning ichki hujjatlariga muvofiq ravishda belgilanadi.