«Davomat: Xulosa» hisoboti

«Davomat: Xulosa» hisoboti o‘quvchining hisobot davrida dars qoldirishlar va kechikishlar belgilari haqida ma'lumotlari asosida avtomatik ravishda to‘ldiriladi.

Hisobotni tuzish uchun quyidagi ma'lumotlarni ko‘rsatish lozim:

• o‘quv yili;
• vaqt oralig‘i.

Eslatma: avtomatik ravishda joriy o‘quv yili tanlanadi va vaqt oralig‘i uchun joriy hafta tanlanadi.

Hisobot,  tanlangan davr uchun quyidagi ma'lumotlarni o‘z ichiga olgan jadval shaklida tuziladi:

Jadval №1  (butun ta'lim muassasasi uchun xulosaviy hisobot)

• ta'lim muassasasining nomi;
• jurnalda davomat belgilari kiritilmagan katakchalarning foizi;
• butun tashkilot bo‘yicha davomat belgilarining umumiy soni;
• «K» davomat belgilarining umumiy soni;
• «DQ» davomat belgilarining umumiy soni;
• «N» davomat belgilarining umumiy soni;
• darslarning umumiy sonini muassasada ta'lim olib, ushbu darslarda qatnashishi zarur bo‘lgan o‘quvchilar soniga bo‘lish (jurnaldagi katakchalarning umumiy soni).

Jadval №2 (sinf bo‘yicha xulosaviy hisobot)

• sinfning nomi;
• jurnalda davomat belgilari kiritilmagan katakchalarning foizi;
• butun sinf bo‘yicha davomat belgilarining umumiy soni;
• «K» davomat belgilarining umumiy soni;
• «DQ» davomat belgilarining umumiy soni;
• «N» davomat belgilarining umumiy soni;
• darslarning umumiy sonini sinfda ta'lim olib, ushbu darslarda qatnashishi zarur bo‘lgan o‘quvchilar soniga bo‘lish (jurnaldagi katakchalarning umumiy soni).

Eslatma:  sinflar ro‘yxatiga faqat hisobot davrining boshidan hisobot sanasiga qadar quyidagi shartlar bajarilgan sinflar kiritiladi:

• dars jadvalida kamida bitta dars kiritilgan;
• sinfda faol a'zo bo‘lgan kamida bitta  o‘quvchi mavjud (ya'ni sinf bo‘sh emas).

Eslatma: sinf nomini bosish orqali «Davomat: Sinf rahbariga» hisobotiga o‘tishingiz mumkin.

Ko‘rsatgichlarni hisoblash uchun quyidagi formuladan foydalaniladi:

Davomat % = ((darslar soni * o‘quvchilar soni - qoldirilgan darslar soni) / darslar soni * o‘quvchilar soni) * 100%

Misol: 10 kishidan iborat sinf, hisobot haftasida 20 ta darsni yakunladi. Ikkita o‘quvchi butun davr davomida kasal bo‘lib qoldilar. Hisoblanishi:

• qoldirilgan darslar soni: 2 * 20 = 40;
• darslar soni * o‘quvchilar soni: 20 * 10 = 200.

Davomatning umumiy % = ((200-40) / 200) * 100% = 80%