Nega shaxslarni bog‘lash kerak

Maktab shaxslarini eMaktab va ERP.MAKTAB.UZ o‘rtasida bog‘lash quyidagilar uchun zarur:

• O‘quvchilarning baholari va davomatini ERP.MAKTAB.UZ tizimiga to‘g‘ri uzatish (MMTV ko‘rsatmalariga muvofiq).
• Hisobotlar, statistika va hujjatlarda xatolarning oldini olish.
• Davomat va baholash bilan bog‘liq barcha shakllarning to‘g‘ri ishlashi.

Agar bog‘lash bajarilmasa:

⚠️ baholar va davomat ERPga uzatilmaydi,
⚠️ maktab reytingi pasayishi mumkin.

Nega o‘quvchilar profillarini sinxronlashtirishdan oldin bog‘lash muhim?

Agar o‘quvchi maktabda o‘qishni davom ettirayotgan bo‘lsa va uning eMaktab da profili mavjud bo‘lsa, sinxronlashtirishdan oldin ushbu profilni ERP.MAKTAB.UZ dagi aynan shu o‘quvchining yozuvi bilan bog‘lang.

Aks holda sinxronlashtirish vaqtida avvalgi profil maktabdan chiqarilishi, o‘quvchi uchun esa uning oldingi baholari va ta’lim tarixi bo‘lmagan yangi profil yaratilishi mumkin. O‘quvchi avvalgi profiliga kirish imkoniyatini ham yo‘qotadi.

Agar o‘quvchi yangi bo‘lsa va uning eMaktab da profili hali bo‘lmasa, bog‘lash talab etilmaydi.

Boshlashdan oldin

Maktab boshqaruvida ERP.MAKTAB.UZ bo‘limi mavjudligini tekshiring

1. Maktab boshqaruvi bo‘limiga kiring.
2. Sahifani pastga tushiring va ERP.MAKTAB.UZ blokini toping
   (u “Qo‘shimcha ta’lim” bo‘limidan keyin joylashgan).
3. Unda quyidagi band bo‘lishi kerak:
   • Maktab shaxslarini ERP.MAKTAB.UZ bilan bog‘lash

Agar bu band mavjud bo‘lsa — funksional yoqilgan.

Agar bo‘lim ko‘rinmasa:

1. Sozlamalar → Qo‘shimcha ma’lumotlar bo‘limiga kiring.
2. ERP.MAKTAB.UZ ID maydonini tekshiring:
   • ✅ yashil belgi — maktab bog‘langan,
   • ⚠️ ogohlantirish — STIRni tekshiring.

Agar maktab bog‘langan bo‘lsa, ammo ERP bo‘limi chiqmasa — eMaktab texnik qo‘llab-quvvatlashiga murojaat qiling.

Bog‘lashdan oldin bajarilishi kerak bo‘lgan ishlar

✅ 1. O‘quvchilarning ERP.MAKTAB.UZ da maktabga qabul qilinganini tekshiring

Maktabda o‘qishni davom ettirayotgan o‘quvchilar ERP.MAKTAB.UZ da ushbu maktabga qabul qilinganiga ishonch hosil qiling. eMaktab da mavjud profili bo‘lgan har bir o‘quvchi uchun ERP.MAKTAB.UZ dagi tegishli yozuvni toping.

O‘qituvchilar va boshqa xodimlar hozircha sinxronlashtirilmaydi. O‘quvchilarni sinxronlashtirish uchun o‘qituvchilarning profillarini bog‘lash talab etilmaydi.

✅ 2. JSHSHIRdan foydalanish

Yozuvlarni yaratishda:

• ERPda — JSHSHIR majburiy.
• eMaktabda — ERP dan import qilish yoki JSHSHIRni qo‘lda kiritish tavsiya etiladi.

✅ 3. Ma’lumotlarning mosligini tekshiring

F.I.Sh., tug‘ilgan sana va JSHSHIR har ikki tizimda bir xil bo‘lishi kerak — bu bog‘lash jarayonini osonlashtiradi.

Bog‘lash sahifasini qanday ochish

👉 Administrator yoki tahrirchi uchun:

1. Maktab boshqaruvi bo‘limiga kiring.
2. Maktab shaxslarini ERP.MAKTAB.UZ bilan bog‘lash tugmasini bosing.

👉 Sinf rahbari uchun:

1. Sinf boshqaruvi bo‘limiga kiring.
2. O‘quvchilar yorlig‘ini oching.
3. Maktab shaxslarini ERP.MAKTAB.UZ bilan bog‘lash tugmasini bosing.

Bog‘lash sahifasi qanday ishlaydi

Sahifa ochilganda tizim avtomatik ravishda:

• ERP.MAKTAB.UZ dan ma’lumotlarni yuklaydi;
• ularni eMaktab ma’lumotlari bilan solishtiradi;
• mos keluvchi shaxslarni taklif qiladi;
• ikki ustunda ko‘rsatadi:
  • chapda — eMaktab,
  • o‘ngda — ERP.

Eslatma: Agar ERP vaqtincha ishlamasa → xabar chiqadi: «ERP.MAKTAB.UZ tizimi vaqtincha mavjud emas»

O‘quvchi yoki xodimni qanday bog‘lash mumkin

• Agar o‘quvchilarni sinxronlashtirishga tayyorlanayotgan bo‘lsangiz, filtrda «O‘quvchilar» turini tanlang va ERP.MAKTAB.UZ bilan bog‘lanmagan barcha amaldagi o‘quvchilar profillarini tekshiring.
• Chap ustundan eMaktabdagi shaxsni tanlang.
• O‘ng ustundan ERPdagi mos yozuvni tanlang.

• F.I.Sh., tug‘ilgan sana va PINFLni solishtiring.
• «Bog‘lashni tasdiqlash» tugmasini bosing.

Tasdiqlangandan keyin:

• yangi bog‘lanish yaratiladi yoki
• eski tasdiqlanmagan bog‘lanish yangilanadi,
• ERPdagi PINFL yangiroq bo‘lsa — eMaktabdagi JSHSHIR yangilanadi,
• agar ERP-ID band bo‘lsa — xato xabari chiqadi.

Agar bu bo‘limga sinxronlashtirish oynasidan o‘tgan bo‘lsangiz

O‘zgarishlar hisoblangandan keyin sinxronlashtirish oynasida eMaktab da maktabingizda o‘qiyotgan, ammo profillari ERP.MAKTAB.UZ bilan bog‘lanmagan o‘quvchilar ro‘yxati ko‘rsatilishi mumkin. «Shaxslarni bog‘lash» tugmasi ushbu bo‘limni ochadi.

Ro‘yxatdagi maktabda o‘qishni davom ettirayotgan har bir o‘quvchini tekshiring. Uning eMaktab dagi mavjud profilini ERP.MAKTAB.UZ dagi tegishli yozuv bilan bog‘lang. So‘ng «ERP.MAKTAB.UZ bilan ma’lumotlarni sinxronlashtirish» bo‘limiga qayting va o‘zgarishlarni qaytadan hisoblang.

O‘zgarishlarni qo‘llashdan oldin tizim bu o‘quvchilar uchun yangi profillar yaratishni va avvalgi profillarini maktabdan chiqarishni taklif qilmayotganiga ishonch hosil qiling.

Agar ERPdagi ma’lumotlar noto‘g‘ri bo‘lsa

• «Ma’lumotlarni qayta so‘rash» tugmasini bosing.
• Yangilangan ma’lumotlarni tekshiring.
• Agar xato davom etsa — ERPdagi ma’lumotlarni to‘g‘rilab, jarayonni takrorlang.

Bog‘lanishni qanday o‘chirish

1. eMaktabdagi shaxs kartasini oching.
2. «Bog‘lanishni uzish» tugmasini bosing.
3. Amaliyotni tasdiqlang.

Filtrlar

Sahifada quyidagi filtrlar mavjud:

👉 Rol bo‘yicha:

• O‘quvchilar
• Xodimlar

👉 Bog‘langanlik holati bo‘yicha:

• Barchasi
• Bog‘langan
• Bog‘lanmagan

👉 Sinf bo‘yicha (faqat o‘quvchilar):

• barcha aktiv sinflar
• sinf rahbarida — faqat uning sinflari

Mumkin bo‘lgan xatoliklar

❌ ERP tizimi ishlamayapti:

Murojaat qiling:
📞 (71) 203-04-03
📩 Telegram: @YaET_bot

❌ ERPda yetarli ma’lumot yo‘q:

O‘quvchilar va xodimlarning ERPdagi qabul qilinganligini tekshiring.

❌ Maktab ERPga bog‘lanmagan:

eMaktab → Sozlamalar → Qo‘shimcha ma’lumotlar → ERP.MAKTAB.UZ ID ni tekshiring.

❌ Hech narsa topilmadi:

Filtrlarni tekshiring.