Ota-onalarning maktab to‘lovlari bo‘yicha ko‘p beriladigan savollari

Hisoblarni kim yaratadi?

Hisoblarni maktab yaratadi. eMaktab ularni ko‘rsatadi va bank-hamkor orqali to‘lovni amalga oshirish imkonini beradi.

To‘lov maqsadi, summasi yoki muddati bo‘yicha savollar bilan maktabga murojaat qilish kerak.

Hisobni qisman to‘lash mumkinmi?

Yo‘q. Har bir hisob to‘liq to‘lanishi kerak.

Bir nechta hisobni bitta to‘lov bilan to‘lash mumkinmi?

Hozircha har bir hisob alohida to‘lanadi.

Mening bir nechta farzandim bor. Ularning har biri uchun qanday to‘layman?

Agar bolalarning profillari ota-ona profiliga bog‘langan bo‘lsa, hisoblar har bir bola uchun alohida ko‘rsatiladi. To‘lovni amalga oshirishdan oldin bolaning ismi, to‘lov maqsadi va summasini tekshiring.

Agar bolalardan birining hisobi ko‘rinmasa, profillar o‘rtasida qarindoshlik aloqasi o‘rnatilganini maktabdan aniqlashtiring.

To‘lov muddati o‘tgan hisob bilan nima qilish kerak?

Agar to‘lov tugmasi mavjud bo‘lsa, hisobni to‘lash mumkin. To‘lov muddati o‘tishining oqibatlari va maktabning ichki to‘lov qoidalarini maktabdan aniqlashtiring.

Nega hisobni ko‘rmayapman?

Buning sabablari quyidagilardan biri bo‘lishi mumkin:

• maktab hali hisob yaratmagan;
• maktab hisobni bekor qilgan;
• maktab to‘lovlar xizmatini ulamagan;
• hisob bolaning boshqa profili uchun yaratilgan.

Avval maktabdan hisob yaratilganini va qaysi bola uchun yaratilganini aniqlashtiring.

Boshqa usulda to‘ladim, ammo hali ham eslatmalar kelyapti

Maktabga murojaat qilib, hisobni eMaktab’dan tashqarida to‘langan deb belgilashni so‘rang. Hisob holati o‘zgartirilgandan keyin eslatmalar kelishi to‘xtashi kerak.

Yil davomida amalga oshirilgan barcha to‘lovlar haqidagi ma’lumotni qayerdan ko‘rish mumkin?

Operatsiyalar tarixi «To‘lovlar» bo‘limida mavjud.

Agar maktab bilan hisob-kitoblar bo‘yicha rasmiy hujjat kerak bo bo‘lsa, maktab buxgalteriyasi yoki ma’muriyatiga murojaat qiling. Bank kartasidan pul yechilganini tasdiqlash uchun kartani chiqargan bankdan ko‘chirma so‘rashingiz mumkin.

To‘lov haqidagi ma’lumotlarni kim ko‘rishi mumkin?

To‘lov haqidagi ma’lumotlar profil egasi, tegishli huquqlarga ega maktab xodimlari hamda to‘lovlar va murojaatlarni ko‘rib chiqish uchun zarur doirada eMaktab’ning vakolatli xodimlariga taqdim etiladi.

Boshqa ota-onalar va begona foydalanuvchilar sizning to‘lovlaringiz haqidagi ma’lumotlarni ko‘rmaydi.