Parol - nima? Parolni qanday o‘zgartirish mumkin?

Parol - bu shaxsni yoki huquqlarni tasdiqlash uchun yaratilgan maxfiy so‘z yoki belgilar to‘plami. Parol ma'lumotni ruxsatsiz kirishdan himoya qilish uchun foydalaniladi.

Parolda quyidagi belgilar mavjud bo‘lishi mumkin:

• kichik lotin harflari;
• lotin bosh harflari;
• raqamlar;
• maxsus belgilar: «!», «@», «#», «$», «%», «^», «&», «*», «(», «)», «_», «+», «?», «|».

Foydalanuvchining tizimdagi roliga qarab, parolga muayyan talablar o‘rnatilgan.

Xodimlarga:

• kamida 8 ta belgidan iborat;
• kamida 1 ta raqamni o‘z ichiga oladi;
• kamida bitta kichik harfdan iborat;
• kamida bitta bosh harfdan iborat;
• kamida 1 ta maxsus belgi mavjud;
• parolning maksimal uzunligi - 30 ta belgi;
• parol login bilan mos kelmasligi  kerak.

Ota-onalar va o‘quvchilar uchun:

• kamida 6 ta belgidan iborat;
• raqamlar yoki lotin harflarini o‘z ichiga oladi;
• parolning maksimal uzunligi - 30 ta belgi;
• parol login bilan mos kelmasligi  kerak.

Tizimdagi parollar uchta qiyin darajaga bo‘lingan:

Ishonchsiz - faqat bitta registrning harflari yoki faqat raqamlar mavjud.

Yaxshi - faqat bitta registrdagi harflar va raqamlar kiritilgan, yoki parol loginni o‘z ichiga olgan (registr muhim emas), 8 tadan ortiq belgilar.

A'lo darajada - har xil registrlardagi harflar, raqamlar va maxsus belgilar (kamida bittadan) kiritilgan, parol loginni o‘z ichiga olmagan, kamida 8 ta belgi (barcha foydalanuvchi rollari uchun).

Agar parol oxirgi besh martada (parolni o‘zgartirganda)  kamida bir marta ishlatilgan bo‘lsa, ishonchlilik darajasi bir bo‘linmaga kamayadi.

Shuni esda tutish kerakki, tanlangan parol qiyin, ammo yetarlicha esda qoladigan bo‘lishi kerak. Ishonchli parol sizning profilingizni tajavuzkorlar tomonidan ruxsatsiz kirish imkoniyatidan ximoya qiladi.

Parolni qanday o‘zgartirish mumkin?

Parolni o‘zgartirish uchun quyidagi harakatlarni bajaring:

• profil «Sozlamalar»iga o‘ting (avatarning o‘ng tomonida ism familiyani bosing va «Sozlamalar» bandini tanlang);
• profil «Sozlamalar»ida «Login va parol» yorlig‘iga o‘ting;
• mavjud parolning to‘g‘risida «O‘zgartirish» so‘zini bosing;
• yangi parolni kiriting va joriy parolni kiritish orqali uning o‘zgarishini tasdiqlang;
• «Saqlash» tugmasini bosing.

Eslatma: parolni o‘zgartirish uchun sizning elektron pochtangiz profilda tasdiqlangan bo‘lishi kerak. Elektron pochtangizni tasdiqlash bo‘yicha ko‘rsatmalarni bu erda topishingiz mumkin.