eMaktab.Jurnal. Xodimlar uchun mobil ilova

 

Mobil dasturini Play Market-da (Android foydalanuvchilari uchun) va App Store-da yuklab olish mumkin (IOS foydalanuvchilari uchun).

Dasturga kirish eMaktab.uz Tizimidagi foydalanuvchi logini va paroli orqali amalga oshiriladi.

 

 

Ta'lim tashkilotini tanlash

Agar xodimning profili bir nechta ta'lim tashkilotlarida ro‘yxatga kiritilgan bo‘lsa, u o‘zi ma'lumot ko‘rishni istagan tashkilot profilini tanlashi mumkin. Ko‘rish uchun tashkilotning avatarini bosish kerak.

 

 

«Muhim» bo‘limi

«Muhim» bo‘limida ikkita blok ko‘rsatiladi:

• «Jurnalni yuritish» bloki;
• «Yozuvlar» bloki.

«Jurnalni yuritish» bloki

«Jurnalni yuritish» blokida uy vazifalari topshirilmagan va baholanmagan darslar soni to‘g‘risida ma'lumotlar mavjud.

Blokda kiritilmagan baholar ko‘rsatkichi yoki uy vazifalar topshirilmagan ko‘rsatkichi ko‘rsatilishi mumkin: o‘tgan darslar uchun qizil ko‘rsatkichlar va kelgusi darslar uchun ko‘k ko‘rsatkichlar belgilanadi.

Xodim faqat dars jadvalida fan bo‘yicha o‘qituvchi sifatida belgilangan darslarning ko‘rsatgichlarini ko‘radi.

 

 

Quyidagi xolatlarda «Baholar bilan muammolar mavjud» degan xabar paydo bo‘ladi:

• dars o‘tkazilgan kundan ikki haftadan ko‘p vaqt o‘tmagan, lekin bir kundan ko‘proq vaqt o‘tgan;
• dars uchun bitta xam baho kiritilmagan;
• dars uchun «Dars o‘tkazildi» bandida tasdiq belgisi ko‘rsatilmagan;
• dars joriy hisobot davriga kirgan;
• dars bekor qilinmagan;
• dars 1 paralleldan tashqari parallellarda o‘tkaziladi.

Quyidagi xolatlarda «Uy vazifasi bilan muammolar mavjud» degan xabar paydo bo‘ladi:

• ushbu fan bo‘yicha dars, dars jadvaliga muvofiq, yaqin kunlarga belgilangan;
• ushbu dars kuni uchun fan bo‘yicha uy vazifasi kiritilmagan;
• dars joriy hisobot davriga kirgan;
• dars 1-chi paralleldan tashqari parallellarda o‘tkaziladi.

Eslatma: agar bir kunda, sinfda fan bo‘yicha ikkita dars o‘tkazilsa, ushbu ikkita darsning kamida birida uy vazifasi kiritilgan bo‘lsa, ikkinchi dars uchun uy vazifasi berilmagan deb xisoblanmaydi.

Darslar soni ko‘rsatilgan tugmani bosganingizda, darslar ro‘yxatida quyidagi ma'lumotlar ochiladi:

• sinf;
• fanning nomi;
• darslar o‘tkaziladigan sana.

«Yozuvlar» bloki

"Muhim"  sahifasida siz tanlangan auditoriya uchun yozuvlar yaratishingiz mumkin.

 

Yozuvni yaratish uchun quyidagilarni bajarish kerak:

• "Yangi yozuv" tugmachasini bosish;
• yozuv uchun mo‘ljallangan auditoriyani tanlash (butun maktab, o‘qituvchilar xonasi, ma'lum bir sinf);
• yangilik matnini kirish;
• yuqori o‘ng burchakda "tasdiq belgisini" bosish.

Shundan so‘ng, yozuv tanlangan foydalanuvchilar toifasining "E'lonlar" sahifasida e'lon qilinadi va ular yangiliklar lentasida namoyish etiladi.

 

 

«Yozuvlar» blokida xodimning akkaunti ro‘yxatga kiritilgan barcha maktablar profillarida oxirgi ikki hafta ichida nashr etilgan e'lonlar va yozuvlar ko‘rsatiladi.

Nashr etilgan e'lonlarni auditoriyani tanlash orqali ko‘rish mumkin. Buning uchun "Barcha yozuvlar" tugmachasini bosish va qiziqadigan toifani tanlash kerak.

 

 

«Dars jadvali» bo‘limi

«Dars jadvali» bo‘limida tanlangan kun uchun o‘qituvchining darslari ko‘rsatiladi.

Bo‘limda o‘quv yili doirasida hafta yoki kunlar bo‘yicha harakatlanish mumkin. Ko‘rsatgich belgisi yordamida, haftani tanlash mumkin, va darsning sanasini bosgib, bir kunni tanlash mumkin.

Bir kunlik dars jadvali sahifasida darslar bloki mavjud.  Har bir blokda sinf haqida ma'lumot, fanning nomi, dars o‘tkazilish vaqti, topshirilgan uy vazifasi ko‘rsatilgan.

 

 

Qo‘shimcha blokda kiritilmagan baholar ko‘rsatkichi yoki uy vazifalar topshirilmagan ko‘rsatkichi mavjud bo‘lishi mumkin:

• o‘tgan darslar uchun qizil ko‘rsatkichlar;
•  kelgusi darslar uchun ko‘k ko‘rsatkichlar belgilanadi.

Ko‘rsatkichni bosish orqali tegishli bo‘limlarga: uy vazifasini topshirish ekraniga yoki «Jurnal» bo‘limiga o‘tish mumkin.

 

Dars sahifasi

Tanlangan darsning sahifasida quyidagi harakatlar mavjud:

• hisobot davriga kiritilgan fan jurnaliga o‘tish;
• dars o‘tkazilgani haqida tasdiq belgisini kiritish;
• dars uchun mavzu kiritish;
• ushbu va keyingi darslar uchun uy vazifalarini qo‘shish, tahrirlash;
• darsda o‘tkaziladigan ish turini qo‘shish.

 Agar joriy dars uchun baholar kiritilmagan bo‘lsa, ekranning yuqori qismida «Baho yo‘q» va  agar uy vazifasi topshirilmagan bo‘lsa – «Uy vazifasi yo‘q»  xabari ko‘rsatiladi.

 

 

Dars haqidagi umumiy ma'lumotlar ko‘rsatilgan blokda dars o‘tkazilgani haqida tasdiq belgisini kiritish mumkin. Blokda, shuningdek, dars mavzusi haqidagi ma'lumotlar ko‘rsatilgan.

 

 

«Dars mavzusini qo‘shish» tugmachasini bosganda, dars mavzusini yaratish uchun maxsus sahifa ochiladi.

Agar dars mavzusi ilgari yaratilgan bo‘lsa, uni bosganda, dars mavzusini tahrirlash uchun sahifa ochiladi.

 

«Ushbu dars uchun uy vazifasini qo‘shish» tugmasini bosganda, joriy darsga uy vazifasini yaratish uchun sahifa ochiladi va «Keyingi dars uchun uy vazifasini qo‘shish» tugmasini bosganda, foydalanuvchi fan bo‘yicha o‘qituvchi sifatida tayinlangan keyingi darsning sahifasi ochiladi.

Agar UV avvalroq yaratilgan bo‘lsa, uni bosganingizda uy vazifasini tahrirlash uchun sahifa ochiladi. Uy vazifalarini tahrirlash sahifasida siz ma'mur tomonidan kiritilgan baholash turini, baholarning jurnalda ko‘rinishini tanlashingiz, shuningdek, tavsif qo‘shishingiz mumkin.

 

 

«Yana ish qo‘shish» tugmachasini bosganingizda, darsni baholash turini, darsdagi ish turini tanlash, shuningdek ishning tavsifini kiritish mumkin bo‘lgan sahifa ochiladi.

 

 

 Uy vazifasi va ish turini mobil ilova orqali o‘chirib bo‘lmaydi.

Eslatma: dars ma'lumotlarini tahrirlash huquqiga ega bo‘lmagan o‘qituvchi dars mavzusini, uy vazifasini va ish turini tahrirlash va qo‘shish tugmachalarini ko‘rmaydi.

«Jurnal» tugmachasini bosganingizda, darslar sahifasida ekranning yuqori o‘ng burchagida  joriy hisobot davri uchun fan bo‘yicha jurnal ochiladi.

«Jurnallar» bo‘limi

Bo‘limda jurnallar ikki guruhga bo‘linadi:

• «Sinf rahbari» - yorlig‘da xodim sinf rahbari deb tayinlangan sinflar ko‘rsatiladi;
• «Fanlar» – yorlig‘da dars jadvalida fan bo‘yicha asosiy yoki o‘rinbosar o‘qituvchi deb tayinlangan darslar ko‘rsatiladi.

Jurnallar sinflar bo‘yicha guruhlangan. Sinf raqami / nomining o‘ng tomonida «Sinf sahifasi» tugmasi ko‘rsatilgan, ushbu tugmani bosish orqali sinf sahifasiga o‘tish amalga oshiriladi.

Jurnal kartasiga bosilganda jurnalga o‘tish amalga oshiriladi va fanning nomi, o‘quvchilar guruhi, shuningdek «Baho yo‘q» yoki «Uy vazifasi yo‘q» ko‘rsatkichlari ko‘rsatiladi.

 Jurnallar faqat joriy hisobot davri uchun ko‘rsatiladi. Boshqa hisobot davriga tegishli jurnalni tanlash uchun siz jurnalni oching va ekranning yuqori qismida hisobot davri nomini bosing.

 

 

Agar bitta fan bo‘yicha sinfda butun sinf uchun va alohida kichik guruh uchun darslar mavjud bo‘lsa, fan bo‘yicha jurnallar ro‘yxatida ikkita jurnal ko‘rsatiladi.

 

 

Eslatma: agar o‘qituvchi sinfga fan bo‘yicha faqat bitta dars o‘tkazgan xolatda ham, u  «Fanlar» yorlig‘ida ushbu sinf jurnalini ko‘radi.

Jurnalni tanlaganda quyidagi harakatlarni bajarish mumkin:

• jurnalni ochish (agar baho kiritilmagan yoki UV berilmagan darslar bo‘lsa, bu haqda ma'lumot ko‘rsatiladi).
• "Dars rejasini" ochish.

 

Darslarni rejalashtirish sahifasi

 

Darsni rejalashtirish sahifasida fan bo‘yicha dars o‘tkaziladigan barcha sanalar ko‘rsatiladi. Joriy kun olovrangda belgilangan.

Sahifa o‘qituvchiga dars mavzularini va UV ni qo‘shish imkoniyatini beradi. Buning uchun kerakli sana ostida "Dars mavzusini qo‘shish" yoki "Keyingi dars uchun UV qo‘shish" tugmachasini bosish kerak. Shunday qilib, o‘qituvchi rejalarni dastur orqali to‘ldirishi mumkin.

 

 

Ekranning yuqori qismida jurnal tasviri shaklida ko‘rsatilgan tugmachadan foydalanib, fanlar bo‘yicha jurnal sahifasiga o‘tish mumkin.

Fan bo‘yicha jurnal sahifasi

Fan jurnalida joriy o‘quv kuni olovrangda belgilangan. Shuningdek, dars kunining yonida ko‘k va qizil ko‘rsatkichlar ko‘rsatilishi mumkin, bu darsda uy vazifasi yoki baholari yo‘qligini bildiradi.

 

 

Dars kunini bosganda menyu paydo bo‘ladi, uning yordamida quyidagi harakatlarni bajarish mumkin:

• Uy vazifasini qo‘shish;
• darsdagi ish turini qo‘shish;
• sinf sahifasiga o‘tish.

 

Jurnalda har bir o‘quvchining familiyasi va ismi belgilar kiritish katakchalarining tepasida ko‘rsatiladi. O‘quvchining familiyasi va ismining o‘ng tomonida o‘rtacha (o‘rta vaznli) ball ko‘rsatiladi.

Eslatma: baholar kiritilgandan so‘ng, o‘rtacha (o‘rta vaznli) ballni o‘zgartirish uchun ekranni qayta yuklash (yangilash) kerak.

Baholash uchun quyidagilar zarur:

• tegishli katakchani bosish;
• paydo bo‘lgan panelda bahoni bosish.

 

Eslatma: agar kerak bo‘lsa, baholash rejimini «Ikki tomonlama baholash» tugmasini bosish orqali ikkitalik baholashga o‘zgartirish mumkin.

Shuningdek, OZ, B/O, O‘/O‘ TM belgilarini kiritish mumkin. Ular baholar ro‘yxatining oxirida joylashgan.

Agar foydalanuvchi sinf o‘qituvchisi bo‘lsa, lekin tanlangan darsga tayinlangan o‘qituvchi bo‘lmasa, unda u uchun baholar qo‘shish tugmachalari bloklanadi, faqat davomat belgilari uchun tugmalar faol bo‘ladi.

Davomat belgisini o‘rnatish uchun:

• tegishli katakchani bosing;
• paydo bo‘lgan panelning o‘ng qismida kerakli harfni bosing.

 

Baho / belgini o‘chirish uchun:

• kerakli katakchani bosing;

• «O‘chirish» tugmasini bosing.

Eslatma:

• fanni olib boruvchi o‘qituvchi, «UV va baholar» blokiga kirish huquqiga ega bo‘lgan muharrir yoki ma'mur bahoni va davomat belgisini o‘chirib tashlashi mumkin;
• Sinf rahbari o‘zi dars olib bormaydigan fanlar jurnalida faqat ishtirok etish belgisini olib tashlashi mumkin.   

Jurnaldagi kul rangli katakchalar quyidagini bildiradi:

• dasturni ishga tushirgan foydalanuvchi darsga o‘qituvchi sifatida tayinlanmagan va administrator yoki sinf rahbari emas;
• baho kiritish vaqtida o‘quvchi sinf a'zoligiga ega emas;
• baholarni tahrirlashga ruxsat berilgan davr muddati tugadi.

Boshqa  hisobot davri jurnaliga o‘tish uchun sahifaning yuqori o‘ng burchagidagi (Android uchun) taqvim belgisini bosing.

Sinf sahifasi

Sinf sahifasida tanlangan sinf yozuvlari namoyish etiladi. Barcha yozuvlar sahifada yaratilish sanasi bo‘yicha tartiblangan.

Sinf sahifasida yozuv yaratish uchun quyidagilar kerak:

• «Jurnallar» bo‘limiga o‘tish;
• keyin sinf sahifasiga o‘tish;
• qalam belgisini bosish (Android uchun).

 

 

Xabarni bosganda, yozuv sahifasi sharhlar bilan ochiladi, shuningdek o‘z sharhlaringizni qo‘shish uchun maxsus maydon mavjud bo‘ladi.

 

Offlayn-rejimi va sinxronlash

Ilova, internetga kirmasdan turib baholarni o‘rnatish / o‘zgartirish / o‘chirish, dars mavzusini va uy vazifasi matnini o‘zgartirishga imkon beradigan oflayn-rejimini amalga oshiradi.

O‘zgarishlar internet ulanishi topilmaguncha va kiritilgan ma'lumotlar yuborilmaguncha saytda ko‘rsatilmaydi, ya'ni: sinxronlanmaydi.

Tarmoqqa ulanganda quyidagilarni bajarish mumkin:

• tizimga ma'lumotlarni avtomatik yuborilishini kutish;
• «Profil» bo‘limidagi «Ma'lumot yuborish» tugmachasini bosish orqali ma'lumotlarni majburiy yuborishni boshlash.

Agar sinxronlashtirilmagan o‘zgarishlardan keyin 24 soatdan ko‘proq vaqt o‘tgan bo‘lsa, «Read-only» ( faqat o‘qish) rejimi yoqiladi, tizim ma'lumotlarni tahrirlashni taqiqlaydi va siz tahrirlashga urinayotganingizda taqiqlash xabari paydo bo‘ladi, masalan, «Belgini o‘zgartira olmaysiz».

Eslatma: hali sinxronlashtirilmagan ma'lumotlar haqida batafsil ma'lumotni «Profil» bo‘limida ko‘rishingiz mumkin.

Profil bo‘limi

«Profil» bo‘limida dasturga krigan foydalanuvchi haqidagi ma'lumotlar ko‘rsatiladi.

 

 

Yuqorida foydalanuvchining avatari va uning to‘liq ism familiyasi ko‘rsatilgan. Quyida "Bildirishnomalar", "Qo‘llab-quvvatlash xizmatiga murojaat qilish" tugmachalari va tilni tanlash uchun tugma mavjud.

"Bildirishnomalar" tugmachasidan foydalanib, ilovadan xabarnomalarni yoqishingiz yoki o‘chirib qo‘yishingiz mumkin, shuningdek, telefon sozlamalarida ilovadan xabar yuborish uchun ruxsat yoqilganligiga ishonch hosil qilish uchun bildirishnomalar ishining diagnostikasini ko‘rishingiz mumkin.

 

 

"Қўллаб-қувватлаш хизматига мурожаат қилиш"tugmachasidan foydalanib, siz qo‘llab-quvvatlash xizmatiga yuborish uchun elektron pochta xabarlarini qo‘shishingiz mumkin.

Pastda sinxronlash holati to‘g‘risida ma'lumotlar joylashgan: ilovada tizimga yuborilmagan o‘zgarishlar kiritilganmi yoki yo‘qmi.

Agar yuborilmagan o‘zgarishlar bo‘lmasa, blok vaqtni ko‘rsatmasdan oxirgi sinxronlash sanasini ko‘rsatadi.

Agar yuborilmagan o‘zgarishlar bo‘lsa, blokda quyidagilar aks etadi:

• yuborilmagan baholar, darslar, ish va uy vazifalarining umumiy soni;
• «Tafsilotlar» tugmachasi bosganda, yuborilmagan o‘zgarishlar haqida batafsil ma'lumotlar ko‘rsatilgan ekran paydo bo‘ladi;
• Agar biron bir sababga ko‘ra tarmoqqa ulanganingizda sinxronlash boshlamagan bo‘lsa, ma'lumotlarni yuborishni boshlash uchun «Ma'lumotlarni yuborish» tugmachasini bosing.

 

 

Ushbu bo‘limda «Akkauntdan chiqish» tugmachasi mavjud, uni bosib profildan chiqish mumkin.

 Agar dastur sinxronlashtirilmagan ma'lumotlarga ega bo‘lsa, siz profildan chiqqaningizda ular o‘chiriladi. Ma'lumot yo‘qolishining oldini olish uchun ushbu holatda xabarnoma ko‘rsatiladi.

 

Yuborilmagan ma'lumotlar haqida ogohlantirish sahifasi

Ushbu bo‘limda ma'lumotlar turi bo‘yicha guruhlangan yuborilmagan o‘zgarishlar haqidagi ma'lumotlar namoyish etiladi: baholar, davomat belgilari, uy vazifasi, ish va darslar.

Agar dastur  «Read-only» «Faqat o‘qish» rejimiga o‘tgan bo‘lsa va tizim ma'lumotlarni tahrirlashni taqiqlasa, siz hal qilish usullaridan birini tanlashingiz kerak:

• internetga ulaning va ma'lumotni sinxronlashtiring;
• sinxronlashtirilmagan ma'lumotni avval saqlang va keyin o‘chiring.

Tizimga komp'yuter orqali yoki dastur orqali qayta kiritilishi mumkin bo‘lgan ma'lumotlarni saqlash uchun quyidagilar zarur:

• sahifaning yuqori o‘ng burchagida joylashgan «yuklab olish» tugmachasini bosing .
• paydo bo‘lgan oynada ma'lumotlarni yuborish va saqlash uchun qulay variantni tanlang.

Ma'lumotni o‘chirish uchun  Android –da axlat qutisi belgisini bosing.