eMaktab’da ota-onalarga hisoblarni qanday taqdim etish mumkin

Kim uchun: xizmatga ulangan maktablarning buxgalterlari va direktorlari

1. Maktab to‘lovlaridan foydalanish huquqi berilgan xodim profili orqali eMaktab’ga kiring.
2. «To‘lovlar» bo‘limini oching.
3. «Hisobni taqdim etish» tugmasini bosing.
4. Maktab hisobini tanlang: budjet yoki budjetdan tashqari. Xususiy maktablar uchun faqat budjetdan tashqari hisobdan foydalaniladi.
5. Xizmat turini tanlang: «Ovqatlanish», «Qo‘riqlash», «To‘garak», «Uzaytirilgan kun guruhi» yoki «Boshqa».
6. Ota-ona ko‘radigan tushunarli izohni kiriting. Masalan: «Sentabr oyining birinchi yarmi uchun ovqatlanish».
7. Sinfni tanlang.
8. Hisob qaysi oy uchun taqdim etilayotganini ko‘rsating.
9. To‘lov muddatini belgilang.
10. Hisob summasini so‘mda kiriting.
11. Kiritilgan ma’lumotlarni tekshiring va «Qo‘llash» tugmasini bosing.
12. Ko‘rsatilgan o‘quvchilar ro‘yxatida butun sinfni qoldiring yoki hisob taqdim etilishi kerak bo‘lmagan o‘quvchilarni ro‘yxatdan chiqarib tashlang.
13. Zarur bo‘lsa, muayyan o‘quvchi uchun summani alohida o‘zgartiring.
14. Ma’lumotlarni yana bir bor tekshiring va «Hisoblarni taqdim etish» tugmasini bosing.

Tayyor. Yaratilgan hisoblar umumiy ro‘yxatda «Taqdim etilgan» holati bilan paydo bo‘ladi, ota-onalar esa eMaktab ilovasida push-xabarnoma oladi.

Bitta hisob - bitta xizmat

Turli xizmatlar uchun alohida hisoblar yarating. Bu ota-onalarga har bir to‘lovning maqsadini tushunishga, maktabga esa xizmat turlari bo‘yicha hisob yuritishga yordam beradi.