eMaktab’da sovg‘alar: qanday yuborish va ko‘rish mumkin?

«Sovg‘alar» bo‘limini qanday ochish mumkin?

eMaktab saytida akkauntingizga kiring va sahifaning yuqori qismida, globus belgisi yonidagi sovg‘a belgisini bosing.

Mavjud sovg‘alar bilan «Sovg‘a tanlash» sahifasi ochiladi.

Sovg‘ani qanday yuborish mumkin?

1. «Sovg‘a tanlash» sahifasida o‘zingizga yoqqan sovg‘ani bosing.
2. «Sovg‘a yuborish» sahifasida «Sovg‘ani kimga yuborish kerak?» maydonini bosing va ro‘yxatdan qabul qiluvchini tanlang.
3. Xohishingizga ko‘ra «Tilaklaringizni yozing» maydonini to‘ldiring. Matn uzunligi 256 ta belgidan oshmasligi kerak.
4. «Yuborish» tugmasini bosing.

Sovg‘a muvaffaqiyatli yuborilgach, «Sovg‘a va tabriklar qabul qiluvchiga yuborildi» xabari paydo bo‘ladi.

Boshqa sovg‘a yuborish uchun «Yana bitta sovg‘a yuborish» tugmasini bosing. Oynani yopish uchun «Yopish» tugmasini bosing.

Qabul qilingan sovg‘alarni qayerdan ko‘rish mumkin?

Sahifaning yuqori qismidagi strelkali «Sovg‘a tanlash» sarlavhasini bosing va «Menga yuborilganlar» bandini tanlang.

«Menga yuborilganlar» bo‘limida qabul qilingan sovg‘alar, ularni yuborgan foydalanuvchilar va yuborilgan sanalar ko‘rsatiladi.

Javoban sovg‘a yuborish uchun qabul qilingan sovg‘a ostidagi «Javoban sovg‘a yuborish» tugmasini bosing. So‘ng sovg‘ani tanlang va yuboring.

Yuborilgan sovg‘alarni qayerdan ko‘rish mumkin?

Sahifaning yuqori qismidagi joriy bo‘lim nomi yonidagi strelkani bosing va «Men yubordim» bandini tanlang.

Bu bo‘limda siz yuborgan sovg‘alar, ularning qabul qiluvchilari, yuborilgan sanalari va qo‘shilgan tilaklar ko‘rsatiladi.

Sahifaning yuqori qismidagi menyu orqali «Sovg‘a tanlash» bo‘limiga qaytishingiz mumkin.

Sovg‘a yuborilmasa, nima qilish kerak?

Agar «Sovg‘ani yuborib bo‘lmadi, lekin qayta urinib ko‘rishingiz mumkin» xabari paydo bo‘lsa, «Yuborishni takrorlash» tugmasini bosing.

Xatolik takrorlansa, eMaktab qo‘llab-quvvatlash xizmatiga murojaat qiling. Murojaatda profilingizga havolani ko‘rsating, muammoni tavsiflang va xatolik skrinshotini ilova qiling.