Ota-onalar profilidan foydalanishning afzalliklari

Tizimda o‘quvchi uchun ham, ota-ona / qonuniy vakil uchun ham profillarni yaratish mumkin.

Ota-ona akkauntini ro‘yxatdan o‘tkazish va undan foydalanish harakati ko‘p afzalliklarga ega.

Barcha o‘quvchilar to‘g‘risidagi ma'lumotlar «Bolalar» bo‘limida joylashgan

Agar ota-onaning maktab yoshidagi bir nechta bolalari bo‘lsa, barcha bolalarini bir ota-onalar profiliga «bog‘lash» mumkin.

Shunday qilib, «Bolalar» bo‘limida har bir bola uchun ma'lumotlar ko‘rsatiladi, va ota-ona bir necha xil login va parol birikmalarini eslab qolishi va kiritishi shart emas.

Izoh: ushbu funksiya bolalar turli xil ta'lim muassasalarida o‘qigan taqdirda ham mavjud.

Axborot xavfsizligi

Agar ota-ona ham, o‘quvchi ham bitta profil'dan foydalansa (masalan, bola nomiga yaratilgan bo‘lsa), unda o‘quvchi quyidagi imkoniyatga ega bo‘ladi:

• profil parametrlarida foydalanuvchi nomi va parolni ota-onani xabardor kilmagan holda o‘zgartirish;
• sozlamalardan elektron pochtani shuningdek ota-onani xabarisiz olib tashlashi mumkin.

Ushbu harakatlar ota-onaning tizimga kirishiga to‘sqinlik qilishi mumkin.

Texnik jihatdan «rivojlangan» bolalar sahifaning HTML-kodlashidagi baholarning ko‘rinishini o‘zgartirishga urinishlari va ota-onalarga noto‘g‘ri ma'lumotni ko‘rsatishga harakat qilishlari mumkin.

Bunday holatlarning oldini olish uchun o‘quvchining shaxsiy profilini (o‘quvchiga to‘g‘ridan-to‘g‘ri ma'lum bo‘lgan login va parol) va ota-onaning shaxsiy profilini alohida ro‘yxatdan o‘tkazish tavsiya etiladi (login va parol faqat ota-onaga ma'lum va bola kira olmaydi).

Loyihadagi aloqa

Tizim shaxsiy xabarlar bilan almashish imkoniyatini amalga oshiradi.

Ota-onaning xodimga maxfiy xabarni yuborish extiyoji paydo bo‘lishi mumkin, lekin ota-ona va bola bir profil'dan foydalangan xolda ushbu imkoniyat mavjud bo‘lmaydi.