Xodimlarni, ota-onalarni, o‘quvchilarni qanday qilib import qilish mumkin?

Faylni import qilish uchun tayyorlash

Import prosedurasini boshlash uchun siz xlsx (Microsoft Excel 97-2003) yoki xlsx (Microsoft Excel 2007-2014) formatidagi dastlabki fayllarni xodimlar, o‘quvchilar va ota-onalarning ma'lumotlari bilan tayyorlashingiz kerak. Bitta fayl quyidagilardan iborat bo‘lishi kerak:

• xodimlar to‘g‘risidagi ma'lumotlar;
• bir sinf o‘quvchilarining ma'lumotlari;
• bitta sinfning ota-onalari to‘g‘risidagi ma'lumotlar;
• bir faylda bitta sinf o‘quvchilari va ularning ota-onalari to‘g‘risidagi ma'lumotlar.

O‘quvchilar ma'lumotlarini import qilishda, hujjatning birinchi varag‘idagi ustunlarda quyidagi ma'lumotlar ko‘rsatilishi kerak:

Ism familiyasi (FISh) (otasining ismi majburiy alohida maydonda bo‘lishi shart emas), jinsi, tug‘ilgan sanasi.

Izoh: «Maktabga kelgan sana» ustunida o‘quvchining ta'lim muassasasiga haqiqatan kelgan sanasi ko‘rsatiladi. «Sinfga kelgan sana» ustunida siz joriy o‘quv yilini ko‘rsatishingiz kerak, chunki har yili o‘quvchilar kichik sinfdan katta sinfga o‘tadi.

Fayldagi «Maktabga kelish sanasi» va «Sinfga kelgan sana» ustunlarini to‘ldirish majburiy talab qilinmaydi. Agar ushbu ustunlar faylda bo‘lmasa, unda import paytida tizim barcha import ishtirokchilari uchun sana ma'lumotlarini kiritish uchun umumiy maydonlarni ko‘rsatadi.

Izoh:

• ustunlarning nomlarini kiritish majburiy emas;
• ishtirokchilarning ism familiyasi (FISh) bitta ustunda ko‘rsatilishi mumkin (bitta probeldan keyin);
• agar ba'zi ishtirokchilarda ikkita familiya, ism yoki otaning ismi bo‘lsa, to‘liq ism ma'lumotlarini uchta ustunga bo‘lish shart.

  Import uchun namunaviy fayllar shablonlari maqolaga ilova qilingan.

Ko‘chirib o‘tkazish (import)

Birinchi navbatda  xodimlarning ma'lumotlarini import qilishni boshlash kerak. Keyin siz o‘quvchilar ma'lumotlarini import qilishingiz mumkin. Ota-ona ma'lumotlarini import qilish faqat o‘quvchilar ma'lumotlarini kiritgandan so‘ng mumkin (yoki siz bir vaqtning o‘zida o‘quvchilar va ota-onalar ma'lumotlarini import qilishingiz mumkin).

Import tartibini boshlash uchun «Maktabning boshqaruvi» bo‘limiga o‘ting va «Odamlar» bo‘limidagi «Ko‘chirib o‘tkazish» bandini bosing.

1-qadam. Ma'lumotlar manbai

Import boshida Tizim sizdan qaysi turdagi importni amalga oshirishni belgilashingizni so‘raydi.

Izoh: aloqa ma'lumotlarini allaqachon yaratilgan foydalanuvchilarning profillariga ko‘chirib o‘tkazish mumkin. Buni amalga oshirish uchun import boshida siz menyuning ikkinchi variantini ya'ni «Oldindan yaratilgan shaxslar uchun aloqa ma'lumotlarini import qilish» -ni tanlashingiz va ma'lumotlar to‘g‘ri to‘ldirilgan faylni yuklashingiz kerak (maqolaning ilovasida namunaviy fayllarni ko‘rishingiz mumkin).

Keyinchalik, «Faylni tanlash» tugmachasini bosishingiz kerak oldindan tayyorlangan faylni tanlang va faylning birinchi qatorida nima borligini ko‘rsating: ishtirokchi ma'lumotlari yoki ustun nomlari.

2-qadam. Sozlamalar

Ochilgan sahifada siz import qilinadiganlar ro‘yxatidagi shaxslarga mos keladigan ishtiriokchilar rolini ko‘rsatishingiz kerak: xodimlar, o‘qituvchilar, o‘quvchilar, ota-onalar yoki o‘quvchilar va ota-onalar.

O‘quvchilarni import qilishda siz quyidagilarni ko‘rsatishingiz kerak (agar bu ma'lumotlar import faylida bo‘lmasa):

• ta'lim muasasasiga va sinfga kelish sanasi;
• sinf kodi.

Keyinchalik, tizimdagi va fayldagi ustunlar mutanosibligini o‘rnatishingiz kerak:

Barcha ma'lumotlarni kiritgandan so‘ng, «Keyingi qadam» tugmasini bosing.

3-qadam. Ma'lumotni tekshirish

Dastlabki tekshirish natijalari import faylidagi ma'lumotlarning qay darajada to‘ldirilganligini va ma'lumotni qayta kiritishni oldini oladi.

Ushbu bosqichda ota-onalarning ma'lumotlarini import qilishda «ota-ona» - «o‘quvchi» aloqalarini o‘rnatish kerak: ota-ona ismining qarshisida, «Bolasi» ustunida siz uning farzandining ismini tanlashingiz kerak.

Agar ma'lumotlarni tekshirish paytida xato aniqlansa, xabarnoma paydo bo‘ladi. Xabarnomaning matni bilan tanishib chiqqandan so‘ng, xatolarni tuzatish va qayta import qilishni boshlash kerak. Agar tekshiruv muvaffaqiyatli o‘tgan bo‘lsa, «Keyingi qadam» tugmasini bosishingiz kerak.

Eslatma: agar faylga bitta bola uchun ikkita ota-ona kiritilgan bo‘lsa, import paytida o‘quvchi uchun ikkita profil' yaratiladi, ularning har birida faqat bitta ota-ona biriktiriladi.

Barcha holatlarda, qarindoshlarning ma'lumotlarini qo‘shish, tahrirlash va yo‘q qilish va ishtirokchilar o‘rtasida oilaviy aloqalarni o‘rnatish, o‘quvchilar ma'lumotlarini tahrirlash sahifasida amalga oshiriladi.

4-qadam. Ko‘chirib o‘tkazish (import)

Tizim import natijalari bilan sahifani ochadi. Agar siz yana boshqa faylni import qilmoqchi bo‘lsangiz, «Yangi import qilishni boshlash» tugmachasini bosing.

Quyidagi hollarda ota-ona ma'lumotlarini kiritish taqiqlanadi:

• ota-onaning ma'lumotlari ta'lim muassasasiga xodim sifatida ilgari kiritilgan;
• ota-ona allaqachon boshqa ta'lim muassasasining xodimi sifatida loyihada ro‘yxatdan o‘tgan;
• ota-onaning bir xil yoki turli xil ta'lim muassasalarida o‘qiyotgan bir nechta bolalari bor.

Agar tizim ma'lumotlar bazasiga ota-onalar ma'lumotlari o‘rniga bobosi / buvisi, o‘gay otasi / o‘gay onasi, vasiylari (o‘quvchilarning qonuniy vakillari) ma'lumotlari kiritilgan bo‘lsa, u holda o‘quvchi va uning qonuniy vakilining ma'lumotlarini bir vaqtning o‘zida import qilish kerak.