Kundalik.com saytida masofadan turib o‘qitishni tashkil qilish bo‘yicha yo‘riqnoma

Kundalik.com karantin davrida masofadan turib o‘qitishni tashkil qilish uchun bir qator vositalarni taklif etadi. Ular uyda bo‘lgan o‘quvchilarga o‘quv jarayoniga xalaqit bermaslik, mavzularni mustaqil o‘rganish, barcha sinf tadbirlarni virtual makonga uzatish va masofadan turib qatnashish qobiliyatini namoyish etish imkonini beradi.

Agar karantin davrida xodimlar o‘quvchilar bilan masofay iishlashni va uy vazifalarini topshirishni rejalashtirishmasa, u holda dars jadvalida o‘quvchilar darsga bormagan kunlar uchun belgilangan darslarni bekor qilish kerak. Ushbu kunlarni dam olish kunlari deb belgilash shart emas.

Xabarlar, yangiliklar va e'lonlar

Foydalanuvchilarga karantin boshlanganligi, karantin munosabati bilan masofadan turib o‘qish jarayoni haqida ma'lumot berish, shuningdek, boshqa tashkiliy ma'lumotlarni e'lon qilish uchun «E'lonlar» bo‘limidan foydalanish kerak.Tizimda yozuvlar yaratiladigan va saqlanadigan alohida sahifalar - ya'ni, yozuv devorlari mavjud . «E'lonlar» yordamida butun ta'lim tashkiloti uchun ham, muayyan sinf o‘quvchilari uchun ham e'lon yaratish mumkin.

Yozuvni nashr qilish uchun quyidagi haraqatlarni bajarish kerak:

• yozuvlar devori sahifasini oching;
• yozuvni matn maydoniga kiriting;
• «Jo‘natish» tugmasini bosing.

Yozuvni yaratish bo‘yicha ko‘rsatmalar bilan bu yerda tanishishingiz mumkin.

Xabardor qilish uchun yozuvlardan qanday foydalanish haqida batafsil ma'lumot bu yerda ko‘rsatilgan.

Fayllar

Karantin davrida xodimlar ixtiyoriy tarzda o‘qiyotganlar uchun materiallarni sinf sahifasidagi yoki tashkilot profilidagi «Fayllar» bo‘limiga joylashtirishlari kerak.

Bu materiallarga keyinchalik uy vazifasi tavsifi yoki sinf e'lonlarida havolasini berish mumkin.

«Fayllar» servisiga ham maktab profilidagi, ham sinflar profilidagi «Fayllar» bo‘limi orqali kirish mumkin. Yuklash uchun «Fayllarni yuklash» tugmachasini bosish zarur.

Bu yerda fayllar bilan ishlash bo‘yicha ko‘rsatmalarni o‘qishingiz mumkin.

Zoom yordamida video-darslar yaratish

Zoom yordamida o‘qituvchi o‘quv jarayonini to‘xtatmaslik uchun o‘quvchilar bilan onlayn darslar tashkil qilishi va videokonferensiya orqali darsni onlayn formatida o‘tkazishi mumkin.

Dars rejasiga video-dars qo‘shish uchun o‘qituvchi konferensiya yaratmoqchi bo‘lgan mavzusining yonidagi "Onlayn video darsni rejalashtirish" tugmasini bosishi kerak. Kundalik, video darsga havolani, darslar rejasida "Dars mavzusi" maydonida ko‘rsatadi. O‘quvchilar o‘zlarining kundaliklarida kerakli fanni tanlash orqali onlayn-darsga havolani ko‘rishlari mumkin. O‘quvchi konferensiyaga qo‘shilish uchun havola orqali harakatlanishi lozim. 

Xizmat bilan ishlash bo‘yicha batafsil ma'lumot ushbu maqolada tasvirlangan.

Uy vazifalari

«Uy vazifalari» funksiyasi yordamida o‘qituvchi vazifalar berishi va ularning bajarilishini nazorat qilishi mumkin. O‘quvchilar vazifani masofadan turib bajargan holda natijalarni darhol yuborishlari mumkin bo‘ladi. Buning uchun o‘qituvchi uy vazifasini yaratayotganda «Natijali fayl talab qilinadi» bandidan tasdiq belgisini olib tashlamasligi lozim.

Uy vazifasida baho turini, bajarilish sanasini, uning tekshirilgan-tekshirilmaganini, bajarilish vaqtini ko‘rsatish hamda vazifa berilgan faylni ilova qilish mumkin. Shuningdek o‘qituvchi vazifaning maqomini o‘zgartirishi, sharh qoldirishi, individual ko‘rsatmalar berishi ham mumkin. O‘quvchi va pedagogning barcha harakatlari saqlanadi va yoziladi. Ota-onalar ham bolalariga berilgan uy vazifalarini ko‘rishlari mumkin bo‘ladi.

Uy vazifasini bir nechta usulda yaratish va topshirish mumkin:

• Kerakli dars sahifasida;
• «Har bir dars rejasi» sahifasida;
• «Uy vazifalari» sahifasida.

Uy vazifalari bilan ishlash haqida ko‘proq ma'lumotni bu yerda o‘qing.

Eslatma: individual uy vazifasi masalasi haqida bu yerda ma'lumot olishingiz mumkin.

 Smart xizmati yordamida onlayn-vazifalar berish

Kundalik tizimida Kundalik Smart platformasi yordamida tayyor dars yaratish va tayyor uy vazifalarini biriktirish imkoniyati mavjud.

Kundalik.Smart yordamida o‘qituvchi nafaqat katalogdan tayyor vazifalarni uy vazifasi sifatida berishi, balki o‘zining raqamli darsini yaratishi, uni video, audio materiallar, test topshiriqlari bilan boyitishi hamda “Kundalik”dagi “Kalendar rejalashtirish” bo‘limi orqali uy vazifasi sifatida berishi mumkin. Xohish bo‘yicha, darsni fan darsligiga yoki mavzu bo‘yicha rasmiy tematik reja bilan bog‘lash mumkin. Darsni uy vazifasi sifatida topshirishda o‘qituvchi tanlov parametrlarini moslashtirishi va taqdim etish shaklini tanlashi mumkin. Shunday qilib, yuqori sinflar messenjer formatida, kichik yoshdagi o‘quvchilar esa interaktiv o‘yin shaklida dars o‘tishlari mumkin.

Eslatma: Respublikada ro‘yhatga kiritilgan darsliklardagi mavzular asosida yaratilgan darslar, darsliklar katalogiga kiritilgan.

"Mening guruhlarim" bo‘limida o‘qituvchi berilgan onlayn vazifasi ustidan ishlashni boshlagan o‘quvchilarining ro‘yxatini va ularning harakatlarini kuzatishi mumkin.

Ochilgan sahifada quyidagilarni ko‘rish mumkin:

1. qaysi o‘quvchilar vazifani bajarishga necha marta uringanlar;
2. oxirgi urinish qachon bo‘lgan;
3. vazifani necha foiz xatoliklar bilan bajargan.

Kundalik.Smart yordamida onlayn vazifalarni qanday berish va tekshirish haqida batafsil ma'lumotni bu yerda topishingiz mumkin.

Kundalik.Smart yordamida o‘qituvchi o‘z darslarini va vazifalarini yaratishi bo‘yicha ma'lumot bu yerda tasvirlangan.

 Barcha yaratilgan darslar shaxsiy kabinetingizdagi "Mening darslarim" yorlig‘ida saqlanadi va pastki qismida yaratilgan darsning muallifi kim ekanligi ko‘rsatiladi.